Tímamót

Vin – athvarf Rauða krossins starfrækt í 25 ár

Vin er athvarf fyrir fólk með geðraskanir rekið af Rauða krossinum. Um er að ræða fræðslu- og batasetur sem er opið alla virka daga þar sem gestir fá að taka þátt í starfinu. Vin er ætlað að rjúfa félagslega einangrun gesta athvarfsins með heimilislegri stemmingu.

Húsnæði Vinjar á Hverfisgötunni er stórglæsilegt eins og má sjá.

Vin er athvarf fyrir fólk með geðraskanir á vegum Rauða krossins í Reykjavík og á þessu ári hefur það verið rekið í 25 ár. Rýmið er hugsað sem fræðslu- og batasetur hvers markmið er að rjúfa félagslega einangrun, draga úr endurinnlögnum á geðdeildir, efla þekkingu á málefnum geðsjúkra og skapa umhverfi þar sem traust og tillit ríkir.

Rýmið er vel nýtt en þangað koma daglega um 40 manns. Í Vin halda gestir, starfsmenn og sjálfboðaliðar úti öflugu félagsstarfi í sameiningu – til að mynda eru reglulega haldin skákmót og fleira.

„Það er opið í Vin alla virka daga á milli 10 og 16. Ef gestir vilja geta þeir fengið verkefni eins og að elda matinn fyrir hádegið til dæmis, því að allir fara í mat saman, en það er engin krafa um að gera neitt – en ef þú vilt þá er það í boði. Það eru mjög reglulega haldin skákmót sem eru sívinsæl og svo er ferðafélag og þau, sem treysta sér til, fara til útlanda saman – þeir gestir sem mæta reglulega safna sem sagt í ferðasjóð saman.

Þetta er athvarf fyrir fólk til að koma og lesa blaðið, hitta fólk – stundum eru haldnar myndlistarsmiðjur, það er aðgangur að tölvum, það er spilað – alls konar dægrastytting,“ segir Brynhildur Bolladóttir, upplýsingafulltrúi Rauða krossins um það góða starf sem fer fram í Vin, og hefur gert síðustu 25 árin.

Vin er opin fyrir alla og er það keppikefli allra sem athvarfið stunda að halda þar úti heimilislegu andrúmslofti með það að markmiði að allir eigi kost á samveru, fræðslu og bataúrræðum.

Skrifað hefur verið undir samkomulag milli Reykjavíkurborgar og Rauða krossins um áframhaldandi rekstur Vinjar til næstu þriggja ára.

Athugasemdir

Auglýsing
Auglýsing

Tengdar fréttir

Tímamót

Skákkennsla verður efld í grunnskólum Akureyrar

Tímamót

Bíllaus fagna tíu ára starfi

Auglýsing

Nýjast

Fyrsta blökkukonan krýnd fegurðardrottning

Fyrst á svið fyrir 60 árum

Yrkir ádrepur af ýmsu tagi

Okkur fannst ótvíræð þörf fyrir þennan skóla

Aldarafmælis minnst með flutningi ljóða við ný lög

Hrókurinn fagnar 20 árum með stórmóti

Auglýsing