Tímamót

Verðmætasti farmurinn

Blængur NK kom til heimahafnar í gær eftir veru í Barentshafinu frá því í lok apríl.

Blængur í heimahöfn í blíðunni fyrir austan. Mynd/Karl Jóhann Birgisson

Síðustu þrjár vikurnar var veiðin afar róleg og það svæði sem helst var veiðivon á var lokað í heila viku vegna heræfinga,“ segir Bjarni Ólafur Hjálmarsson sem tók við skipstjórn Blængs NK sem kom til Neskaupstaðar í vikunni eftir að hafa verið að veiðum í Barentshafi frá því í lok aprílmánaðar. Í lestum skipsins eru 500 tonn af frystum afurðum eða um 27.000 kassar og var aflinn í veiðiferðinni um 1.450 tonn upp úr sjó og er þá miðað við óaðgerðan fisk. Verðmæti aflans er um 380 milljónir króna. Fullyrðir Síldarvinnslan að þetta sé verðmætasti farmur sem norðfirskt fiskiskip hefur komið með að landi úr veiðiferð.

Theodór Haraldsson var skipstjóri fyrri hluta veiðiferðarinnar en Bjarni Ólafur tók við eftir sjómannadaginn. Bjarni Ólafur segir að veiðiferðin hafi gengið vel en aflinn hefði mátt vera meiri.

„Vegna æfinganna þurftum við að færa okkur austar og austast vorum við einar 60 sjómílur frá Novaja Zemlja.“

Eyjaklasinn Novaja Zemlja er trúlega þekktastur fyrir að hafa verið kjarnorkutilraunastaður Rússa í kalda stríðinu.

„Öll samskipti við Rússana gengu vel og þar nutum við þess að Geir Stefánsson stýrimaður talar reiprennandi rússnesku. Rússarnir voru dálítið hissa þegar þeir uppgötvuðu rússneskumælandi mann um borð hjá okkur, þeir eiga líklega ekki slíku að venjast um borð í erlendum veiðiskipum sem sækja í Barentshafið,“ segir Bjarni Ólafur.

Athugasemdir

Auglýsing
Auglýsing

Tengdar fréttir

Tímamót

Álitinn klikkaður þegar hann sagðist á leið í sjóinn

Tímamót

Sækja í leikskólann sinn

Tímamót

Vildi vera betri fyrirmynd

Auglýsing

Nýjast

Tímamót

Hvalfjarðargöngin opnuð

Tímamót

Skallinn sem skyggði á sigurstund Ítala

Tímamót

Loksins sól og hitamet slegið í Reykjavík

Tímamót

Íslenskar konur fögnuðu kosningarétti

Tímamót

Búðin opnuð í Bakkagerði

Tímamót

Samskip flytja sig til Hull

Auglýsing