Talsamband við útlönd var opnað á Íslandi þennan mánaðardag árið 1935. Það var söguleg stund sem hófst klukkan 11 árdegis með spjalli milli Íslendinga og Dana.

Fyrstur talaði Kristján konungur tíundi frá Danmörku og Hermann Jónasson forsætisráðherra svaraði honum með stuttri ræðu, bæði á dönsku og íslensku. Síðan hélt Eysteinn Jónsson fjármálaráðherra stutta ræðu á dönsku, en Friis-Skotte, samgöngumálaráðherra Dana, svaraði honum. Því næst talaði Guðmundur Hlíðdal landssímastjóri og Vilhelmssen, settur póst-og símamálastjóri Dana, svaraði.

Hlé var gert til klukkan 12.15, þá var opnað talsamband við London. Major G. C. Tryon hélt ræðu sem Eysteinn Jónsson svarað. Þá tók við Stanhope jarl, sem hélt alllanga ræðu fyrir hönd utanríkisráðherra Bretlands, og Hermann Jónasson svaraði ræðu hans.