Tímamót

Sviðshöfundar sýna lokaverkefni sín í dag

Í dag byrja fyrstu sýningar á lokaverkefnum sviðshöfundabrautar LHÍ. Verkin eru mjög mismunandi, frá breiðum hópi listamanna sem hafa verið að þróa sig áfram í sköpun síðustu ár.

Lóa Björk, sem er í rauðum kjól, er meðal þeirra sem útskrifast núna. Hún segir það vera leyndarmál um hvað verkið hennar fjallar. Fréttablaðið/Anton Brink

Nemar á sviðshöfundabraut Listaháskóla Íslands eru að útskrifast og því fylgir sýning á lokaverkefnum eins og gengur. Í dag hefjast fyrstu sýningar verkanna og þær halda áfram fram til 20. maí. Af brautinni útskrifast nú um þessar mundir níu nemendur og eru verk þeirra ákaflega fjölbreytt – þarna er leikrit sem verður leiklesið og svo er þarna samtal um femíníska útópíu og allt þar á milli.

Lóa Björk Björnsdóttir er ein þeirra sem útskrifast nú af brautinni.

„Við erum tekin þarna inn og boðið að fara frjálsa leið í að þróa okkur áfram sem listamenn. Við erum mörg frekar ólík og alls ekkert sömu pælingar í gangi hjá okkur – sumir koma inn sem handritshöfundar, grínistar eða leikmyndahönnuðir – ég hef til dæmis mestan áhuga á því að vinna með „live art“, ég skrifa smá handrit en það er smá rými fyrir eitthvað óvænt. Við erum öll góðir vinir og saman í þessum bekk þar sem við fáum að prófa okkur áfram. Nú er þetta verk lokaútkoman af þessum tilraunum,“ segir Lóa um námið.

Verk Lóu nefnist Tími til að segja bless og verður sýnt í Tjarnarbíói á föstudaginn. Hún segir það vera algjört „leyndó“ um hvað sýningin fjallar eða hvers eðlis hún nákvæmlega er en segir það fjalla um málefni sem er henni mikilvægt.

„Ég er að vinna með fjórum vinkonum mínum – við erum að gera sýningu um málefni sem brennur mikið á okkur, og ákveðið dilemma sem byrjaði þegar ég fékk eina hugmynd þegar ég bjó í London fyrir jól. Þar var ég að upplifa mjög sterkar tilfinningar – ég tékkaði á nokkrum vinkonum mínu, fékk þær til að vinna með mér í tvo mánuði og úr varð þessi sýning.“

Sýningarnar fara fram í Tjarnarnbíói, Kúlunni, Smiðjunni og Borgarleikhúsinu og fyrstu sýningar hefjast í dag. Það er frítt inn á allar sýningarnar og allar upplýsingar og miðapantanir á tix.is.

Athugasemdir

Auglýsing
Auglýsing

Tengdar fréttir

Tímamót

Hljóðver bókasafnsins opnað fyrir almenning

Merkisatburðir

Silvía Nótt móðgar Evrópu

Tímamót

Lengsta þingræðan tvítug

Auglýsing

Nýjast

Merkisatburðir

Fimmtán ár frá því að Ólafur og Dorrit giftust

Merkisatburðir

Stofnun Ísraelsríkis lýst yfir

Tímamót

Með allt að 100 hesta í kirkjureið

Tímamót

Sauma út á víxl og sækja innblástur í nærumhverfi

Tímamót

Svefn og næring eru grunnstoðir heilsunnar

Tímamót

Hjólar hringinn í kringum landið og lýkur för á Vogi

Auglýsing