Tímamót

Spilað á fjórar þverflautur

Á síðdegistónleikum í Gerðarsafni verður leikið á hringflautuna, hugarfóstur hönnuðanna Brynjars Sigurðarsonar og Veroniku Sedlmair, en hún samanstendur af fjórum þverflautum.

Hringflautan er 2,5 m að þvermáli eða 7,8 m að ummáli og er sú eina sinnar tegundar í heiminum. Mynd/Vigfús Birgisson

Verk Brynjars og Veroniku er hluti af yfirstandandi sýningu í Gerðarsafni, Einungis allir, sem er hluti listahátíðarinnar Cycle. Hringflautan samanstendur af fjórum þverflautum sem eru sveigðar að lögun og mynda samsettan hring en innan hans er pláss fyrir áheyranda. Til að tryggja eðlilega hljóðmyndun í flautunum eru munnstykki þeirra einu hlutar hringflautunnar sem ekki eru sveigðir. Hver hreyfing með hljóðfærið hefur áhrif á hina flytjendurna og getur haft áhrif á tónmyndun hvers flytjanda fyrir sig, Stöðugt líkamlegt samtal á sér því stað á milli flytjenda á meðan leikið er á hljóðfærið. Þetta samtal er áheyrendum hulið en birtist í smágerðum dansi flytjendanna og hreyfingu hljóðfærisins.

Flytjendur í dag eru þær Berglind María Tómasdóttir, Björg Brjánsdóttir, Melkorka Ólafsdóttir og Steinunn Vala Pálsdóttir. Á efnisskrá eru verk eftir Þuríði Jónsdóttur og Pauline Oliveros.

Hringflautan er hljóðfæri eftir hönnunartvíeykið Brynjar Sigurðarson og Veroniku Sedlmair (Studio Brynjar & Veronika), hannað fyrir tilstilli stofnunarinnar Fondation Galeries Lafayette árið 2016 og frumsýnt á samsýningunni „Joining forces with the unknown“ í París í október 2016. Eina núverandi eintak af hljóðfærinu var smíðað af franska flautusmiðnum Jean-Yves Roosen og er í eigu Fondation Galeries Lafayette.

Hringurinn er 2,5 m að þvermáli eða 7,8 m að ummáli. Innan hringsins er pláss fyrir áheyranda sem jafnframt er talinn vera órjúfanlegur hluti hljóðfærisins. Til að tryggja eðlilega hljóðmyndun í flautunum eru munnstykki þeirra einu hlutar hringflautunnar sem ekki eru sveigðir. Að öðru leyti virka flauturnar líkt og hefðbundnar flautur, þar sem klappakerfi, raddsvið og almennar fingrasetningar halda sér og má einnig leika á flauturnar sundurteknar án þess að það hafi áhrif á hljóðið.

Tónleikarnir hefjast klukkan 17.00 og er aðgangur ókeypis.

benediktboas@frettabladid.is

Athugasemdir

Auglýsing
Auglýsing

Tengdar fréttir

Tímamót

Minni Íslands og sögunnar

Tímamót

Bára Tómasdóttir – kona ársins

Tímamót

Ævintýri hve samhentir ólíkir einstaklingar verða

Auglýsing

Nýjast

Ég er alveg í skýjunum

Sveitungar fjöl­menntu á há­tíð norð­lensks matar

Ungar athafnakonur ætla að fjölmenna í Hörpu

Meiri afslöppun að spila lag en að sitja í tölvunni

Tug­milljónir í bætur við Arnar­ker og í Reykja­dal

Söng, söng, meiri söng

Auglýsing