Tímamót

Söngsveitin Fílharmónía frumflytur nýjan jólasálm

Lagið við sálminn kom til skáldsins um leið og það heyrði textann. Útsetningin er hluti af kúrs í Listaháskólanum. Einnig verður fluttur Jólaköttur Jóhannesar úr Kötlum og Ingibjargar Þorbergs. Boðið verður upp á heitt súkkulaði og nýbakaðar smákökur.

Söngsveitin Fílharmónía fór til Flórens í sumar. Hún heldur jólatónleika sína í Langholtskirkju þann 27. Desember.

Á árlegum jólatónleikum Söngsveitarinnar Fílharmóníu í Langholtskirkju 27. desember klukkan 20 verður frumfluttur jólasálmur eftir Arngerði Maríu Árnadóttur, organista í Laugarneskirkju, og séra Davíð Þór Jónsson sóknarprest þar.

Hún rifjar upp að rétt fyrir jólin í fyrra hafi hann sent henni skeyti á Facebook með nýortum sálmi. „Þegar ég las sálminn kom lagið eiginlega til mín um leið. Í kúrs í Listaháskólanum ákvað ég að útsetja sálminn fyrir kór og Fílharmóníu leist vel á hann.“

Þóra Einarsdóttir verður einsöngvari með sveitinni og einnig kemur fram tríó skipað Snorra Sigurðarsyni trompetleikara, Þórði Sigurðarsyni píanista, og Gunnari Hrafnssyni kontrabassaleikara. Efnisskráin verður í senn hátíðleg og með djassyfirbragði.

Sungin verða meðal annars lög eftir Jórunni Viðar, Sigvalda Kaldalóns og Jón Sigurðsson, ýmist í nýjum eða alþekktum útsetningum, auk sígildra jólalaga frá ýmsum löndum. Stjórnandi sveitarinnar er Magnús Ragnarsson.

Þá verður einnig fluttur Jólakötturinn úr kverinu Jólin koma eftir Jóhannes úr Kötlum. Lagið samdi Ingibjörg Þorbergs en það kom fyrst út á plötunni Hvít er borg og bær fyrir jólin 1987. Sveitin flytur lagið í útsetningu Skarphéðins Þórs Hjartarsonar sem var fyrst gerð fyrir Söngkvartettinn Rúdolf er hann var sjálfur meðlimur í. Þá segir á Facebook-síðu söngsveitarinnar að það sé ágætis liðsstyrkur að langafabarn Jóhannesar úr Kötlum sé einn hópmeðlima.

Í hléi verður boðið upp á heitt súkkulaði og nýbakaðar smákökur.

Þessi tæplega sextugi kór skellti sér í kórakeppni í Flórens á Ítalíu í sumar og margt spennandi er á döfinni hjá honum, næst er það flutningur Sálumessu Mozarts með Sinfóníuhljómsveit Norðurlands.

gunnthora@frettabladid.is

thorgnyr@frettabladid.is

Athugasemdir

Auglýsing
Auglýsing

Tengdar fréttir

Tímamót

Þetta gerðist 18. janúar 1968

Tímamót

Laga­smíða­nám­skeið fyrir ungar konur

Tímamót

Þreyta frumraun með Sinfó

Auglýsing

Nýjast

Þetta gerðist 16. janúar

Stjörnu­stríð á í­þrótta­móti í tölvu­leiknum Fortni­te

Margrét Þórhildur verður drottning

Jafnrétti sinnt í Kópavogi

Fjallað um hinn nýja reka á Hornströndum

Íslenska óperan vígð með viðhöfn

Auglýsing