Tímamót

Snjallsíminn leysir kortið af hólmi í verslunum

Íslandsbanki kynnir nú nýja lausn þar sem hægt verður að greiða fyrir verslun og þjónustu með símanum. Skiptir engu máli hvernig posinn er. Ekki í boði í fyrstu fyrir iPhone.

Tíðkast hefur að greiða með símanum sínum erlendis. Nú fá Íslendingar að prófa að þurfa ekki að labba út í búð með örlítið debetkort. Nordicphotos/Getty

Íslandsbanki kynnir nýja lausn þar sem hægt verður að greiða fyrir verslun og þjónustu í öllum posum með símanum. Með þessu verður stigið stórt skref í átt að því að einfalda greiðslumáta korthafa. Lausnin verður kynnt ítarlega á næstu misserum og mun viðskiptavinum standa til boða að taka þátt í prófunum. Lausnin verður fyrst um sinn aðeins í boði fyrir Android-síma en er væntanleg fyrir iOSsíma innan tíðar.

Að undanförnu hafa verið kynntar fjölmargar nýjungar í kreditkortaappi bankans en hægt er að sjá stöðu korta í rauntíma, stilla heimild, frysta kort, sækja PIN-númer og sjá stöðu vildarpunkta. Einnig er hægt að dreifa kortareikningum og einstaka kortafærslum en Íslandsbanki er eini bankinn hér á landi sem býður upp á þann möguleika. Yfir fjórðungur þeirra viðskiptavina sem nýta sér greiðsludreifingu framkvæmir hana í appinu. Jafnframt er hægt að virkja tilboð í Fríðu í appinu þar sem viðskiptavinir fá afslátt endurgreiddan beint inn á reikning sinn.

„Við erum stolt af því að kynna nýjan greiðslumáta sem er hluti af okkar stafrænu vegferð sem fleygir fram. Við höfum lokið við skiptingu á grunnkerfum ásamt því að kynna til leiks fjölmargar lausnir sem viðskiptavinir eru ánægðir með,“ segir Birna Einarsdóttir, bankastjóri Íslandsbanka.  Bankinn er  því  vel í stakk búinn undir þróun tækninýjunga. „Með þessari nýju lausn verður hægt að greiða fyrir verslun og þjónustu með símanum einum sem er mikil einföldun og bætir þjónustu okkar enn frekar,“ segir hún.

Athugasemdir

Auglýsing
Auglýsing

Tengdar fréttir

Tímamót

Býður fjölskyldunni í Fjósið

Merkisatburðir

Stærsta kókaínmál hérlendis kom upp

Tímamót

Hermann Göring gleypti blásýruhylki

Auglýsing

Nýjast

Með kindur í bakgarðinum

Gústi guðsmaður á stall

Alltaf verið að leika mér

Myndlistarfólk með messu

Borgarbúum þykir vænt um Friðarsúluna í Viðey

Leik- og grunnskóli í nýrri byggingu Kársnesskóla

Auglýsing