Tímamót

Skemmtistaðurinn Glaumbær brann

Slökkviliðsmenn berjast við eldinn í Glaumbæ.

Milljónatjón varð í bruna aðfaranótt þessa dags árið 1971 þegar eldur kviknaði í skemmtistaðnum Glaumbæ við Fríkirkjuveg 7 í Reykjavík.

Eldsins varð vart klukkan rúmlega fjögur og var allt slökkvilið borgarinnar kvatt á vettvang með tæki sín. Nær 60 slökkviliðsmenn börðust við eldinn sem var á efstu hæð hússins. Þar brann allt innan stokks og neðri hæðirnar tvær skemmdust líka mikið af vatni og reyk.

Upphaflega hét Glaumbær Íshúsið Herðubreið, það var byggt árið 1916 til ístöku úr Tjörninni.

Síðar var Framsóknarflokkurinn með skrifstofur og fundarsali í húsinu og þá voru haldnir þar dansleikir reglulega. Sigurbjörn Eiríksson veitingamaður sá um rekstur hússins síðustu árin áður en það skemmdist í eldinum og þá voru unglingadansleikir haldnir þar reglulega með mörgum helstu hljómsveitum bítlatímabilsins. Meðal þess sem brann hina örlagaríku nótt voru hljóðfæri hljómsveitarinnar Náttúru sem voru geymd þar vegna sýninga á Hárinu.

Athugasemdir

Auglýsing
Auglýsing

Tengdar fréttir

Tímamót

Tíðar­andinn nær jafn­vel í gegn í kirkju­görðunum

Tímamót

Aðgengi fyrir allt árið hlaut umhverfisverðlaun

Tímamót

Við verðum í jólaskapi

Auglýsing

Nýjast

Garðurinn standsettur á undan baðherberginu

Heiðruðu fjölþjóðlegan hóp nýdoktora frá HÍ

Menningarteiti Teits haldið þriðja árið í röð

Drifinn áfram á kraftinum

Í dag verður reynt að lenda geimfarinu InSight á Mars

Miley Cyrus fæðist

Auglýsing