Tímamót

Sagan við hvert fótmál

Myndir eru notaðar til að undirstrika söguna. Þessi er á horni Strandgötu og Norðurgötu.

Sex nýjar söguvörður voru nýlega vígðar á Oddeyrinni á Akureyri. Sú efsta er við Hof, hinar eru á gönguleiðinni niður Strandgötuna, eða ein varða á móts við hverja hliðargötu og sú neðsta í nágrenni við Gránufélagshúsin.

Söguvörðurnar eru liður í verkefni sem farið var í af tilefni 150 ára kaupstaðarafmælis Akureyrar árið 2012 og felst í gerð söguskilta í elstu bæjarhlutunum. Þau fengu nafnið söguvörður og hafa verið sett upp í nokkrum áföngum. Nú eru þau orðin sautján, þar af tvö í Grímsey, hin varða gönguleið milli þriggja elstu hverfa Akureyrar. Áherslan hefur verið lögð á að vekja áhuga vegfarenda á sögunni með texta eftir Jón Hjaltason sagnfræðing og gömlum ljósmyndum.

Skiltin eru öll með smartkóða (QR kóða) sem auðvelda þeim fróðleiksfúsustu sem eru með snjallsíma að sækja viðbótarfróðleik, auk þess sem þar er hægt að nálgast mynd af skiltunum. Sömu upplýsingar má líka finna með því að fara á heimasíðu Akureyrar: www.visitakureyri.is.

Athugasemdir

Auglýsing
Auglýsing

Tengdar fréttir

Afmæli

Athvarf listamanna í 35 ár

Tímamót

Fólk fer betur með bílinn sinn en röddina

Tímamót

Stofna sjóð til minningar um fjöl­hæfan lista­mann

Auglýsing

Nýjast

Félag háskólakvenna heldur upp á 90 árin

Fyrsta Harry Potter-bókin leit dagsins ljós

Reykvíkingar tóku varla eftir lokum stríðsins

Mín faglega fjölskylda

Óænt tvist frá Póllandi í danskeppni götustílsins

Gúttóslagurinn í Reykjavík

Auglýsing