Tímamót

Saga fyrir alla um flugvelli og flugleiðsögu á Íslandi

Rafbókin Saga flugvalla og flugleiðsögu á Íslandi er komin út hjá Isavia. Opinn aðgangur er að bókinni á vefsíðum Landsbókasafnsins og Isavia en hún er þó einnig gefin út í gamla góða bókarforminu. Í bókinni er ýmissa tímamóta í flugsögu landsins minnst.

Frá vinstri á myndinni eru Arnþór Gunnarsson, höfundur bókarinnar, Björn Óli Hauksson, forstjóri Isavia, Sigurður Ingi Jóhannsson samgönguráðherra og Ragnhildur Hjaltadóttir ráðuneytisstjóri glöð í bragði með bókina en hún kemur einnig út sem rafbók.

Árið 2016 voru 70 ár liðin síðan Íslendingar fengu herflugvelli bandamanna í Reykjavík og Keflavík afhenta til eignar og hófu rekstur flugleiðsöguþjónustu á stórum hluta Norður-Atlantshafs. Árið 2017 voru 30 ár liðin frá opnun Flugstöðvar Leifs Eiríkssonar sem olli straumhvörfum í farþegaflugi um Keflavíkurflugvöll. Flugsamgöngur og innviðir sem þeim tengjast eru undirstaða sívaxandi ferðaþjónustu sem orðin er einn mikilvægasti atvinnuvegur þjóðarinnar. Isavia ákvað að minnast þessara merku tímamóta með ritun 70 ára sögu flugvalla og flugleiðsögu á Íslandi sem leikið hefur lykilhlutverk í samgöngusögu þjóðarinnar. Bókinni Saga flugvalla og flugleiðsögu á Íslandi er ætlað að fagna þessum og öðrum merkum áföngum þessarar mikilvægu sögu. Verkið er nærri 550 blaðsíður og er tileinkað öllu því starfsfólki sem lagt hefur hönd á plóginn við uppbyggingu og rekstur, sem stuðlaði meðal annars að því að rjúfa einangrun í byggðum landsins.

Í tilkynningu frá Isavia segir að það sé við hæfi, þegar opinbert fyrirtæki lætur skrá svo merka sögu, að tryggja að hún nái til sem flestra landsmanna. Bókin er því gefin út í rafbókarformi í opnum aðgangi á vef Landsbókasafnsins og Isavia. Bókin verður líka til sölu í bókaverslunum.

Björn Óli Hauksson, forstjóri Isavia, segir í tilkynningunni að þarna sé skráður mikilvægur hluti af sögu landsins. „Ég vil þakka öllum sem komu að gerð verksins og sérstaklega höfundinum, Arnþóri Gunnarssyni sagnfræðingi, fyrir afar metnaðarfullt starf. Þarna er skráður mikilvægur hluti af sögu Íslands sem ekki má gleymast.“

Arnþór er sjálfstætt starfandi sagnfræðingur. Hann lauk BA-prófi í sagnfræði frá Háskóla Íslands árið 1990 og MS-prófi í ferðamálafræði frá sama skóla árið 2011. Eftir Arnþór liggur fjöldi greina um sagnfræðileg efni í tímaritum, þar á meðal í Sögu, tímariti Sögufélagsins.

Athugasemdir

Auglýsing
Auglýsing

Tengdar fréttir

Tímamót

Með allt á hreinu var frumsýnd

Tímamót

Ég syng þetta fyrir pabba

Tímamót

Spilað á fjórar þverflautur

Auglýsing

Nýjast

Tíðar­andinn nær jafn­vel í gegn í kirkju­görðunum

Aðgengi fyrir allt árið hlaut umhverfisverðlaun

Við verðum í jólaskapi

Garðurinn standsettur á undan baðherberginu

Skemmtistaðurinn Glaumbær brann

Heiðruðu fjölþjóðlegan hóp nýdoktora frá HÍ

Auglýsing