Þórhildur Sigurjónsdóttir

Fædd 30. maí 1955. Látin 14. september 2018. Jarðsungin frá Fríkirkjunni í Hafnarfirði 28. september kl 14.

Við Þórhildur Sigurjónsdóttir urðum samferða í lífinu fyrir 10 árum, þegar við urðum ‘samömmur’ þriggja barna.  

Í sjö ár bjuggum við innan göngufjarlægðar, smárölt meðfram læknum í Hafnarfirði, og fengum því að rifja upp móðurgleði saman og friðsæld nýs lífs. Fögnuðum lífskrafti nýrrar kynslóðar, sem blómstraði eins og bláklukkur í nýju sumri. 

Iðin, lagin, hláturmild, gestrisin, hlý, og næm, Þórhildur axlaði ábyrgð ung, lærði fljótt dýpstu gildin, og lifði samkvæmt þeim.

Hún bretti upp ermarnar, klæddi, mataði, þreif, bjó til, bjó að, lagaði, sinnti, kenndi, huggaði, hugsaði fyrir öllu. Hún klæddi sitt fólk snjallhönnuðum lopaflíkum. Hún ræktaði garð sinn og hlúði að fólki, lét allt og alla ‘blómgast sem grængresi’ (Jessaja 66).

Jón, Siggi, Bella, Óskar, Eyþór, Hjördís Anna, elsku Óli Már og Sóla, Jón Þór, Súsan Klara, og Sonja Lillý, við Hafþór sendum innilegustu samúðarkveðjur að vestan. 

Sarah Brownsberger
Washington, USA

Athugasemdir

Auglýsing
Auglýsing
Auglýsing

Fleiri minningargreinar

Steingerður Jónsdóttir

Gunnar Guðlaugsson

Páll Sigurður Jónsson

Kristín Agnes Samsonardóttir (Ninna)

​Kristín Hólmfríður Tryggvadóttir

Sigurður Sigmarsson

Auglýsing