Tímamót

Nýtt verk Gerði til heiðurs

Nokkrir listvinir Kópavogskirkju hafa ákveðið að efna til styrktartónleika annað kvöld vegna stórviðgerða á hinum steindu gluggum kirkjunnar eftir Gerði Helgadóttur.

Gluggar kirkjunnar eru tilkomumiklir.

Martial Naredau flautuleikari gerði sér lítið fyrir og samdi verk sem frumflutt verður á tónleikum í Kópavogskirkju annað kvöld til fjáröflunar fyrir viðgerðir á gluggum kirkjunnar. „Hún María Jónsdóttir söngkona, sem sér um tónleikana, hafði samband við mig í haust og bað mig að taka þátt,“ segir hann. „Þar sem tónskáldið John Speight samdi verk til heiðurs Gerði vegna viðgerða á gluggum Skálholtskirkju datt mér í hug að gera slíkt hið sama fyrir Kópavogskirkju. Verkið mitt heitir Gerður og er skrifað með vini mína á Kársnesinu í huga fyrir flautu, fiðlu, lágfiðlu, hörpu, orgel og píanó. Kaflarnir heita Austur, Vestur, Norður og Suður og taka mið af gluggunum, til dæmis er norðurglugginn dökkur og það litar kaflann Norður.“ Martial segir einn hvatann að verkinu vera þann að Gerður hafi starfað mikið í hans gamla heimalandi, Frakklandi.

Gunnar Guðbjörnsson er einn söngvaranna sem koma fram á tónleikunum. Hann kveðst hafa átt heima á Kópavogsbrautinni fyrstu sjö árin sín. „Kópavogskirkja er svolítið kirkjan mín því ein af fyrstu minningunum er heimsókn í hana,“ segir hann. „Konan mín vinnur líka í Gerðarsafni og ég á margar ferðir þangað, þá lít ég til kirkjunnar sem ég hef alltaf borið tilfinningar til.“

Með tónleikunum leggst listafólkið á sveif með sóknarnefndinni sem er með söfnunarátak enda viðgerðirnar kostnaðarsamar. Miðaverð er 3.500 krónur og allur ágóði rennur óskertur til verkefnisins.

Athugasemdir

Auglýsing
Auglýsing

Tengdar fréttir

Merkisatburðir

Birna drepin áður en deyfilyfið kom á staðinn

Tímamót

Ungir skurðlæknar fengu fyrsta flokks kennslu

Tímamót

Samskiptatæknin þá og nú

Auglýsing

Nýjast

Tímamót

Sagan við hvert fótmál

Tímamót

Hornsteinn lagður að Landspítala

Tímamót

Ferð sem hófst fyrir ellefu mánuðum endaði vel

Tímamót

Oft er litið á tækni sem andstæðu við náttúruna

Tímamót

Anna Frank hóf að halda dagbók

Tímamót

Legsteinn Viggu gömlu tilbúinn fyrir vígsluna

Auglýsing