Tímamót

Nýjasti en þó elsti bjórinn

Einn af nýjustu bjórunum í ÁTVR er Carlsberg 1883 sem, eins og nafnið gefur til kynna, er eftir uppskrift frá því herrans ári 1883. Sagan á bak við bjórinn er stórmerkileg. Stefán Pálsson, einn helsti bjórsérfræðingur landsins, segir Carlsberg alltaf hafa treyst á vísindin.

Bjórinn fannst við tiltekt í Carlsberg-verksmiðjunni. Stefán segir að þegar farið er á bar og beðið um bjór sé búist við að hann sé ljós og léttur lagerbjór. Það sé Carlsberg að þakka eða kenna. NordicPhotos/Getty

Eigum við ekki að segja að á tímum þar sem menn eru aldir upp við Jurassic Park og vita hvað er hægt að gera með vísindum, þá var bara tímaspursmál hvenær bjór yrði endurskapaður. Hugmynd okkar um bjór mótast af þessum bjór sem þeir hafa náð að endurskapa,“ segir Stefán Pálsson sagnfræðingur og trúlega mesti bjórfræðingur landsins um einn af nýju bjórunum sem eru í boði í hillum ÁTVR, hinn forna Carlsberg 1883.

Þessi forni bjór fannst við tiltekt í vöruhúsi brugghússins og tók þrjú ár að gera á rannsóknarstofum Carlsberg en Stefán segir að verksmiðjan og vísindin eigi sinn þátt í því að gera lagerbjórinn jafn vinsælan og raun ber vitni.

„Ég er alveg að kaupa vísindin á bak við þetta. En hver vill ekki drekka bjór eins og Egill Skallagrímsson eða Neró keisari? Það eru seldir bjórar þar sem notast er við ævaforna uppskrift en stundum er hæpið meira en menn geta staðið við.

Hér er um að ræða fyrirbæri sem vekur áhugamenn um bjór enda er Carlsberg eitt áhrifamesta brugghús sögunnar og gerði bjórbruggun að þeim nútímamatvælaiðnaði sem hún er með því að nota vísindin.

Að geta verið með bjór sem var alveg eins lögun eftir lögun var algjör bylting. Carlsberg tókst að einangra bjórger, rækta það upp og eiga þannig eins ger af einum stofni og átti það sinn þátt í gæðunum.

Öll önnur brugghús fetuðu í fótspor Carlsberg, enda var forstjórinn mikill unnandi vísinda og miðlaði þekkingunni. Leyfði sínu fólki að skrifa vísindagreinar þar sem fræðin voru útskýrð. Að því leyti á bjórheimurinn Carlsberg mikið að þakka.“

Hjá Carlsberg fullyrða menn að þeim hafi tekist að brugga því sem næst fyrstu kynslóðar bjór sem bjóráhugamenn hafa tekið fagnandi um allan heim. Stefán tekur því með smá fyrirvara en segir að með nútímavísindum sé þetta hægt. „Þetta er næst því að vera bjórinn eins og hann var 1883 þótt þetta sé gert með nútímatækni og búnaði.

Í bjórheiminum eru þetta tímamót og eins og að ná að klóna mammút,“ segir hann og bætir við: „Mín upplifun er sú að það að þekkja söguna eykur bragðupplifun og ánægju. Bjórinn verður að hafa bragð og lykt en líka útlit og sögu.“

benediktboas@365.is

Athugasemdir

Auglýsing
Auglýsing

Tengdar fréttir

Merkisatburðir

Birna drepin áður en deyfilyfið kom á staðinn

Tímamót

Ungir skurðlæknar fengu fyrsta flokks kennslu

Tímamót

Samskiptatæknin þá og nú

Auglýsing

Nýjast

Tímamót

Sagan við hvert fótmál

Tímamót

Hornsteinn lagður að Landspítala

Tímamót

Ferð sem hófst fyrir ellefu mánuðum endaði vel

Tímamót

Oft er litið á tækni sem andstæðu við náttúruna

Tímamót

Anna Frank hóf að halda dagbók

Tímamót

Legsteinn Viggu gömlu tilbúinn fyrir vígsluna

Auglýsing