Tímamót

N1 setur nýja olíu á skip

N1 mun skipta um olíu sem það selur til skipaflotans frá og með næstu áramótum. Nú verður bara notuð olía sem inniheldur aðeins 0,1 prósent brennistein.

Græn spor hjá rauðu fyrirtæki. N1 er meðvitað að selja mengun og því reynir það að kolefnisjafna sín spor eftir bestu getu. Fréttablaðið/Stefán

N1 mun frá og með næstu áramótum hætta sölu á svo kallaðri marine diesel oil (MDO) til íslenska skipaflotans. Umrædd olíutegund hefur verið notuð á stærri skip sem kjósa að nota ekki svartolíu en sá galli hefur verið á gjöf Njarðar að hún hefur allt að 0,25% brennisteinsinnihald.

Í stað áðurnefndrar olíu mun N1 flytja inn og selja á skipaflotann olíu sem inniheldur aldrei meira en 0,1% brennistein, segir í tilkynningu. „N1 hefur undanfarin ár einbeitt sér af síauknum krafti að umhverfismálum og sem hluta af samfélagsábyrgð fyrirtækisins leitum við allra leiða til að verða grænni og betri fyrir umhverfið. Þannig kolefnisjöfnum við allt flug og notkun bíla.

N1 er með samning við Kolvið. Við settum okkur skýr markmið varðandi losun gróðurhúsalofttegunda, erum sífellt að minnka úrgang og við drögum verulega úr óflokkuðum úrgangi, svo dæmi séu tekin,“ segir Hinrik Örn Bjarnason, framkvæmdastjóri N1.

„Þetta er hins vegar verkefni sem lýkur aldrei en við leggjum okkar lóð á vogarskálarnar með því að reyna að minnka fótspor á þeim vörum sem við seljum. Breytingin á olíunni er dæmi um slíkt,“ segir Hinrik Örn.

Fram undan eru frekari breytingar hvað þetta varðar en í ársbyrjun 2020 tekur gildi ný reglugerð, IMO 2020, en í henni felst að verulega verði dregið úr brennisteinsinnihaldi svartolíu. Nú má hún mest vera 3,5% en frá og með 1. janúar 2020 má hún innihalda að hámarki 0,5% brennistein.

Athugasemdir

Auglýsing
Auglýsing

Tengdar fréttir

Tímamót

Minni Íslands og sögunnar

Tímamót

Bára Tómasdóttir – kona ársins

Tímamót

Ævintýri hve samhentir ólíkir einstaklingar verða

Auglýsing

Nýjast

Ég er alveg í skýjunum

Sveitungar fjöl­menntu á há­tíð norð­lensks matar

Ungar athafnakonur ætla að fjölmenna í Hörpu

Meiri afslöppun að spila lag en að sitja í tölvunni

Tug­milljónir í bætur við Arnar­ker og í Reykja­dal

Söng, söng, meiri söng

Auglýsing