Þennan dag fyrir 26 árum fæddist bandaríska tónlistar- og leikkonan Miley Cyrus í Nashville í Tennessee-ríki Bandaríkjanna. Við fæðingu hlaut hún nafnið Destiny Hope Cyrus en breytti síðar eiginnafni sínu í Miley. Faðir hennar er bandaríski kántrísöngvarinn Billie Ray Cyrus, móðir hennar heitir Leticia Cyrus og guðmóðir hennar er engin önnur en kántrístjarnan Dolly Parton.

Miley öðlaðist frægð þegar hún lék hlutverk Hönnuh Montana í samnefndum sjónvarpsþáttum. Í kjölfarið lék hún í kvikmyndum sem byggðar voru á þáttunum auk kvikmynda á borð við LOL, So Undercover og The Night Before.

Þá hefur Miley átt farsælan tónlistarferil. Hún hefur gefið út plöturnar Breakout, Can’t Be Tamed og Bangerz. Sú síðastnefnda hefur hingað til selst í rúmlega milljón eintökum í Bandaríkjunum.

Undanfarið hefur ungstirnið verið kynnir á tónlistarverðlaunahátíð sjónvarpsstöðvarinnar MTV, þjálfað í The Voice og er að vinna að plötunni Younger Now.