Tímamót

Lög frú Elísabetar á netið

Fanney Snjólaugardóttir tónlistarkona heiðrar starfssysturina, frú Maríu Elísabetu Jónsdóttur, sem hefði orðið 150 ára 1. janúar, með útgáfu tónlistar hennar á Spotify.

Helga Kvam og Fanney hafa flutt lög frú Elísabetar á tónleikum. Mynd/Daníel Starrason

Þrátt fyrir að Þingeyingar hampi sinni tónlistarmenningu hefur frú Elísabetar á Grenjaðarstað ekki verið getið sem tónskálds í þeirri umræðu. Minning hennar sem slíkrar virðist nánast alveg gleymd. Þó var hún ein fyrsta íslenskra kvenna til að fá birt lag eftir sig á prenti og líka að gefa út sönglagahefti,“ segir Fanney Kr. Snjólaugardóttir, tónlistarkona á Akureyri.

Fanney er virk í samtökunum KÍTÓN (Konur í tónlist) og kveðst undanfarið hafa verið í „femínistakasti“ fyrir hönd starfssystur sinnar frú Maríu Elísabetar frá Grenjaðarstað (1869-1945). „Frú Elísabet hefði orðið 150 ára 1. janúar 2019 og af því tilefni ætla ég, í samstarfi við gott fólk, að birta lögin hennar á Spotify og stofna minningarsjóð til styrktar íslenskum kventónskáldum,“ heitir Fanney og lætur ekki þar við sitja. „Á nýja árinu munum við auk þess frumsýna heimildarmynd um hana frú Elísabetu og halda hátíð henni til heiðurs þann 19. júní í Hofi á Akureyri.“

Fanney er söngkona. Hún segir þær Helgu Kvam píanóleikara hafa flutt lög frú Elísabetar á tónleikum. „En þegar ég hafði kynnst þessum frábæru lögum langaði mig að taka verkefnið lengra og leyfa almenningi njóta þeirra.“

gun@frettabladid.is

Athugasemdir

Auglýsing
Auglýsing

Tengdar fréttir

Tímamót

Minni Íslands og sögunnar

Tímamót

Bára Tómasdóttir – kona ársins

Tímamót

Ævintýri hve samhentir ólíkir einstaklingar verða

Auglýsing

Nýjast

Ég er alveg í skýjunum

Sveitungar fjöl­menntu á há­tíð norð­lensks matar

Ungar athafnakonur ætla að fjölmenna í Hörpu

Meiri afslöppun að spila lag en að sitja í tölvunni

Tug­milljónir í bætur við Arnar­ker og í Reykja­dal

Söng, söng, meiri söng

Auglýsing