Tímamót

Listamannadeilan nær hámarki

Á þessum degi fyrir 76 árum náði Listamannadeilan hámarki þegar Jónas Jónasson frá Hriflu lét taka niður háðungarsýningu á verkum íslenskra listamanna. Í staðinn kom hann fyrir verkum sem að hans mati voru til eftirbreytni.

Deilan átti rætur að rekja til bréfs sem nokkrir íslenskir listamenn sendu Alþingi vegna kaupa íslenska ríkisins á listaverkum. Þótti þeim miður að ríkið legði áherslu á frásagnarlist með þjóðlegu myndefni en sneiddi hjá verkum samtímalistamanna.

Upphófst mikil deila milli listamannanna ungu og menntamálaráðs, undir forystu Jónasar. Það fór svo að Jónas setti upp háðungarsýningu í búðarglugga í Aðalstræti í Reykjavík. Þetta voru verk „klessumálara“ eins og hann lýsti þeim. Minnti þetta óneitanlega á sýningu nasista á úrkynjaðri list gyðinga.

Hinn 2. maí fyrirskipaði Jónas að sýningin skyldi vera tekin niður og í staðinn voru sett verk eftir Sigurð Guðmundsson, Jóhannes Kjarval og fleiri sem þóttu heppilegri fyrirmyndir í íslenskri myndlist.

Athugasemdir

Auglýsing
Auglýsing

Tengdar fréttir

Tímamót

Ævintýri hve samhentir ólíkir einstaklingar verða

Tímamót

Ég er alveg í skýjunum

Tímamót

Sveitungar fjöl­menntu á há­tíð norð­lensks matar

Auglýsing

Nýjast

Ungar athafnakonur ætla að fjölmenna í Hörpu

Meiri afslöppun að spila lag en að sitja í tölvunni

Tug­milljónir í bætur við Arnar­ker og í Reykja­dal

Söng, söng, meiri söng

Kvennalistinn var stofnaður

Mannskæðasta árásin í sögu Spánar

Auglýsing