Merkisatburðir

Fyrsta Persaflóastríðinu lýkur

Þetta gerðist: 20. ágúst 1988

Enn finnast jarðsprengjur úr stríðinu í landamærahéruðum. Nordicphotos/GETTY

Á þessum degi fyrir 30 árum, eða 20. ágúst 1988, var skrifað undir vopnahlé í fyrsta Persaflóastríðinu sem háð var milli Írans og Íraks. Stríðið stóð yfir í tæp átta ár eða frá því að Saddam Hussein, þáverandi forseti Íraks, lét her sinn ráðast inn í Íran þann 22. september 1980.

Eftir byltingu klerkanna í Íran 1979 óttaðist Saddam að sítar í Írak myndu rísa upp gegn sér. Langvarandi landamæradeilur ríkjanna voru einnig undir.

Íraska hernum gekk vel í byrjun en svo fór að halla undan fæti. Stríðið dróst á langinn án þess að víglínan færðist mikið úr stað. Stríðið einkenndist síðari árin af skotgrafahernaði.

Írakar nutu stuðnings og vopna frá Bandaríkjunum, Sovétríkjunum og Frakklandi auk flestra arabaríkjanna. Íran var aftur á móti að stærstum hluta einangrað.

Sameinuðu þjóðirnar höfðu milligöngu um friðarumleitanir en talið er að um hálf milljón hermanna og svipaður fjöldi óbreyttra borgara hafi látið lífið í stríðinu. Þegar stríðinu lauk höfðu landamæri ríkjanna ekkert breyst og hvorugur aðilinn greiddi stríðsskaðabætur.

Saddam Hussein leiddi síðar hersveitir sínar inn í nágrannaríkið Kúvæt í ágúst 1990 og var það kveikjan að öðru Persaflóastríði.

Athugasemdir

Auglýsing
Auglýsing

Tengdar fréttir

Tímamót

Selkórinn fagnar 50 árum

Tímamót

Saga fyrir alla um flugvelli og flugleiðsögu á Íslandi

Tímamót

Staðfesting á að við séum að gera eitthvað áhugavert

Auglýsing

Nýjast

Undir áhrifum frá París

Athvarf listamanna í 35 ár

Fólk fer betur með bílinn sinn en röddina

Stofna sjóð til minningar um fjöl­hæfan lista­mann

Félag háskólakvenna heldur upp á 90 árin

Fyrsta Harry Potter-bókin leit dagsins ljós

Auglýsing