Tímamót

Form sem fáir gefa gaum

Aflagðir lýsisgeymar og landslag sem fáir veita athygli eru myndefni Guðmundar Ingólfssonar ljósmyndara á sýningu sem hann opnar á torginu í Neskirkju á morgun.

„Ég reyndi að fanga eitthvað hversdagslegt,“ segir Guðmundur um landslagsmyndir sínar. Fréttablaðið/Stefán

Ég er meðal annars með myndir sem ég tók inni í lýsisgeymum á árunum 1993 til 2000. Mér finnst þeir vera spennandi innrými og stórmerkileg mannvirki, uppfundin á Íslandi og byggð úr steinsteypu,“ segir Guðmundur Ingólfsson ljósmyndari sem opnar sýningu á torginu í Neskirkju við Hagatorg á morgun.

Hann segir formin í myndunum hafa orðið til með ljósinu í tönkunum sem borist hafi inn um op ofan á þeim eða affallsrör. Spurður hvort eimt hafi eftir af lýsislykt í tönkunum svarar hann:  „Allt lýsi og öll lykt var farin en sums staðar þurfti maður stígvél til að komast um. Þarna sigldu menn um lýsið á prömmum áður fyrr, það hefur nú ekki verið geðslegt.“

Geymarnir voru  við síldarverksmiðjurnar, að sögn Guðmundar. „Þær frægustu voru á norðanverðu landinu, við Húnaf lóann, á Ströndum og við Eyjafjörðinn, sums staðar eru þær nýttar enn, svo sem á Hjalteyri. Þetta eru myndir sem ég sýndi í Noregi fyrir fjórtán árum og tek bara fram núna.“ 

Guðmundur sýnir líka nýjar myndir á torgi Neskirkju, þar er þemað allt annað og því lýsir hann svo: „Til Íslands koma þúsundir ferðamanna yfir árið eingöngu til að taka ljósmyndir, vetur sumar, vor og haust.  Margir stoppa stutt og mynda það sama, Kirkjufell, Skógafoss, norðurljós, hesta og Jökulsárlón. Ég fór um Suður- og Vesturland og reyndi að fanga eitthvað hversdagslegt sem f lestir keyra fram hjá á hverjum degi án þess að gefa gaum. Það ætla ég að sýna núna.“

Athugasemdir

Auglýsing
Auglýsing

Tengdar fréttir

Tímamót

Ég er alveg í skýjunum

Tímamót

Sveitungar fjöl­menntu á há­tíð norð­lensks matar

Tímamót

Ungar athafnakonur ætla að fjölmenna í Hörpu

Auglýsing

Nýjast

Meiri afslöppun að spila lag en að sitja í tölvunni

Tug­milljónir í bætur við Arnar­ker og í Reykja­dal

Söng, söng, meiri söng

Kvennalistinn var stofnaður

Mannskæðasta árásin í sögu Spánar

Laxa­bakki þjóðar­ger­semi

Auglýsing