Tímamót

Fá kannski vínarbrauð

Samtök iðnaðarins voru formlega stofnuð þann 24. september árið 1993 og eru því 25 ára í dag. Samtökin miða þó afmæli sitt við árið 1994 þegar þau hófu starfsemi í raun.

Guðrún Hafsteinsdóttir, formaður Samtaka iðnaðarins, segir að afmælið verði haldið hátíðlegt á næsta ári. Fréttablaðið/Ernir

Það eru engin hátíðarhöld skipulögð í tilefni dagsins á morgun, annað en að kannski fá starfsmenn köku eða vínarbrauð í boði framkvæmdastjórans,“ segir Guðrún Hafsteinsdóttir, formaður Samtaka iðnaðarins sem stofnuð voru þennan dag, 24. september, árið 1993 og eiga því 25 ára afmæli.

Samtökin sjálf miða þó afmælisdag sinn við árið 1994 að sögn Guðrúnar því þá hófst í raun sameiginleg starfsemi þeirra félaga sem sameinuðust þennan dag í september fyrir 25 árum.

Þá sameinuðust sex helstu samtök iðnaðar; Félag íslenskra iðnrekenda, Landssamband iðnaðarmanna, Félag íslenska prentiðnaðarins, Verktakasamband Íslands, Samband málm- og skipasmiða og Meistara- og verktakasamband byggingamanna. Þau tóku síðan formlega til starfa um áramótin 1993/1994. Höfuðmarkmið hinna nýju samtaka var að auka áhrif iðnaðar í þjóðfélaginu, vinna að bættum starfsskilyrðum, hvetja til hagkvæmni í rekstri og leggja áherslu á markvissa vöruþróun, markaðsstarfsemi og menntamál.

Innan Samtaka iðnaðarins eru nú um 1.400 fyrirtæki og félög sjálfstæðra atvinnurekenda. Á þessum aldarfjórðungi sem liðinn er frá stofnun þess eru samtökin því orðin stærstu og öflugustu hagsmunasamtök atvinnurekenda á Íslandi.

„Vegna þess að við miðum afmælið í reynd við árið 1994 þá verður mikið um gleðihöld og dýrðir á næsta ári. Við munum helga það afmælinu okkar og gera því auðvitað greinargóð skil, sérstaklega á iðnþingi í mars næstkomandi. En við munum ekki gera neitt sérstakt í tilefni dagsins í dag,“ segir Guðrún sem sjálf var stödd á ferðalagi á Ítalíu þegar Fréttablaðið náði tali af henni. Hún verður því fjarri góðu gamni á stofnafmælisdaginn en kveðst létt í bragði vona að starfsfólkið á skrifstofunni geri sér þó dagamun og fái í það minnsta köku eða bakkelsi. Sigurður Hannesson, framkvæmdastjóri Samtaka iðnaðarins, skorast væntanlega ekki undan því og kemur færandi hendi.

Athugasemdir

Auglýsing
Auglýsing

Tengdar fréttir

Tímamót

Afmælishátíð íslenska hestsins í Danmörku

Tímamót

Fólk hefur val um hvort það les textana eða ekki

Tímamót

Opnað Hjá Höllu í Leifsstöð

Auglýsing

Nýjast

Býður fjölskyldunni í Fjósið

Stærsta kókaínmál hérlendis kom upp

Hermann Göring gleypti blásýruhylki

Með kindur í bakgarðinum

Gústi guðsmaður á stall

Alltaf verið að leika mér

Auglýsing