Tímamót

Endurtekning er þemað í níundu útgáfu af Mænu

Mæna er tímarit um hönnun sem kemur nú út í níunda sinn. Tímaritið er gefið út af hönnunar- og arkitektúrdeild Listaháskóla Íslands og hannað af þriðja árs nemum í grafískri hönnun. Í dag verður haldið upp á útgáfuna í Hafnarhúsinu í Reykjavík.

Hópurinn úr Listaháskólanum skoðar pappír fyrir tímaritið Mænu hjá Gunnari Eggertssyni hf. Mæna er gefin út í 400 eintökum.

Mæna, tímarit um hönnun, er gefið út árlega af hönnunar- og arkitektúrdeild Listaháskóla Íslands. Í ár kemur Mæna út í níunda skiptið. Í tímaritinu má finna greinar um grafíska hönnun, arkitektúr, fatahönnun og vöruhönnun, en Mæna er algjörlega hönnuð af nemum í grafískri hönnun á þriðja ári.

„Þetta eru í rauninni fræðilegar greinar um hönnun, allt frá umfjöllun um lokaverkefni nemenda og síðan fræðilegar greinar byggðar á áhugaverðum pælingum sem koma upp út frá lokaverkefnunum,“ segir Sverrir Örn Pálsson en hann er einn af hönnunarteymi Mænu.

Ritstjórar Mænu koma úr hópi kennara deildarinnar og í ár eru það þau Arnar Freyr Guðmundsson, Johanna Siebein, Jónas Valtýsson og Birna Geirfinnsdóttir. Þetta er annað árið sem tímaritið er tvítyngt – kemur bæði út á ensku og íslensku, enda er Mæna líka að einhverju leyti hugsuð sem kynningarefni fyrir Listaháskólann.

„Síðustu ár hefur verið eitt þema sem hönnunin byggist á og þemað í ár er endurtekning. Greinarnar tengjast þemanu mismikið en snerta á því á einn eða annan hátt. Konseptið og layoutið byggir samt mikið á endurtekningu.“

Í kvöld verður útgáfuhóf vegna útgáfu Mænu og fer það fram í Hafnarhúsinu og er hluti af HönnunarMars í tengslum við samsýningu FÍT, Félag íslenskra teiknara, en hófið er haldið í sama rými og sú sýning. Leikar hefjast klukkan 17.30 og stendur sýningin fram á sunnudag. Mæna kemur út í um það bil 400 eintökum og verður hægt að nálgast tímaritið á meðan upplag endist.

Einnig má nálgast Mænu á vefsíðunni mæna.is.

Athugasemdir

Auglýsing
Auglýsing

Tengdar fréttir

Tímamót

Tilraunastöðin að Keldum fagnar sjötíu ára starfi sínu

Tímamót

Íslenskir námsmenn gera byltingu

Tímamót

Opnar heim orgelsins

Auglýsing

Nýjast

Tímamót

VERTOnet stofnað

Tímamót

Lýðháskólinn á Flateyri opnar dyr sínar í haust

Merkisatburðir

St. Paul strandar við Meðalland

Tímamót

Allir lásu Bláa hnöttinn

Tímamót

Eldgos hófst í Eyjafjallajökli

Tímamót

Vildi nýta sér töfrana í leikhúsinu fyrir sýningar

Auglýsing