Kröftugt eldgos hófst í Eyjafjallajökli þennan dag árið 2010 er þrír djúpir sigkatlar mynduðust í jöklinum. Hamfaraflóð sópaði niður umferðarmannvirkjum þegar það ruddist niður Markarfljótið. Annað minna flóð olli skemmdum á vegum og spillti jörðum undir Eyjafjöllum og bændur urðu fyrir búsifjum.

Öskufall náði austur að Kirkjubæjarklaustri og byrgði víða sýn.

Flugumferð, bæði innanlands og víðar í Evrópu, raskaðist verulega og lá víða niðri vegna öskunnar.

Gosið átti upptök sín í toppgíg fjallsins. Það hófst á sjöunda tímanum eftir harða jarðskjálftahrinu um nóttina. Um 700 manns náðu að yfirgefa heimili sín áður en það hófst.