Tímamót

Aðgengi fyrir allt árið hlaut umhverfisverðlaun

Verkefnið Bjarnarfoss í Staðarsveit – aðgengi fyrir alla allt árið, hlaut Umhverfisverðlaun Ferðamálastofu þetta árið. Var þetta í 24. skipti sem Ferðamálastofa stendur fyrir útnefningu umhverfisverðlauna. Það var Skarphéðinn Berg Steinarsson ferðamálastjóri sem afhenti verðlaunin. Kristinn Jónasson, bæjarstjóri Snæfellsbæjar, og Margrét Björk Björnsdóttir frá Samtökum sveitarfélaga á Vesturlandi, veittu verðlaununum viðtöku fyrir hönd Snæfellsbæjar.

Kristinn, bæjarstjóri í Snæfellsbæ, og Margrét Björk veittu verðlaununum viðtöku fyrir hönd Snæfellsbæjar og eru hér með Skarphéðni Berg Steinarssyni ferðamálasjóra.

Verkið var unnið á árunum 2015 til 2016 og er gott dæmi um hvernig heimafólk og sveitarfélag, með liðsinni Framkvæmdasjóðs ferðamannastaða, hafa unnið faglega að uppbyggingu áningarstaðar þar sem allir geta notið fallegrar náttúru. Staðurinn er nú aðgengilegur allt árið, segir meðal annars í rökstuðningi Ferðamálastofu.

Kristinn Jónasson, bæjarstjóri í Snæfellsbæ, og Margrét Björk Björnsdóttir, veittu verðlaununum viðtöku fyrir hönd Snæfellsbæjar úr höndum Skarphéðins Berg ferðamálastjóra.

Bjarnarfoss er tignarlegur foss sem fellur fram af hamrabrúninni upp af Búðum á Snæfellsnesi. Fossinn, ásamt stuðlabergshömrum beggja vegna og gróskumiklum brekkum neðan þeirra, er á náttúruverndarskrá Vesturlands. Fossinn blasir við vegfarendum sem fara um þjóðveginn á sunnanverðu Snæfellsnesi og því ekki að undra að hann hafi dregið til sín ferðafólk í auknum mæli.

Snæfellsbær sótti um í Framkvæmdasjóð ferðamannastaða og fékk 10 milljóna króna styrk til að gera göngustíg, göngubrú, áningarstað, bílastæði og skilti við fossinn. Áður hafði sveitarfélagið fengið tæpa hálfa milljón til hönnunarvinnu. Markmið styrkveitinganna var að vernda viðkvæma náttúru og bæta aðgengi ferðamanna.

Göngustígurinn er lagður þannig að hann liðast eftir landinu. Notaðar voru svokallaðar eco-grindur sem eru lagðar í yfirborð stígsins og þær síðan fylltar með ofaníburði, þannig að auðveldara er að fara um stíginn t.d. á hjólastól eða með barnakerru. Göngubrúin yfir gilið neðan við fossinn er gerð úr viðardrumbum og fellur vel inn í landslagið. Áningarstaðirnir eru síðan teknir út úr stígnum eftir legu landsins en þeir eru lagðir með náttúruhellum. Þar er einnig að finna áningarborð. Gott bílastæði er við upphaf stígsins og gamla brúin við veginn var endurgerð samkvæmt upprunalegum teikningum frá árinu 1949.

Umhverfisverðlaun Ferðamálastofu hafa verið veitt árlega frá árinu 1995 og er þetta því í 24. sinn sem þau eru afhent. Verðlaunin eru nú í þriðja sinn veitt fyrir verkefni sem hlaut styrk úr Framkvæmdasjóði ferðamannastaða á tímabilinu 2014-2016 og voru til fyrirmyndar. Það þýðir að verkefninu sé lokið, reglum framkvæmdasjóðsins fylgt og það hafi verið í samræmi við umhverfisstefnu Ferðamálastofu og áherslur framkvæmdasjóðsins um sjálfbæra þróun, gæði hönnunar og skipulags.benediktboas@frettabladid.is

Athugasemdir

Auglýsing
Auglýsing

Tengdar fréttir

Tímamót

Með allt á hreinu var frumsýnd

Tímamót

Ég syng þetta fyrir pabba

Tímamót

Spilað á fjórar þverflautur

Auglýsing

Nýjast

Tíðar­andinn nær jafn­vel í gegn í kirkju­görðunum

Við verðum í jólaskapi

Garðurinn standsettur á undan baðherberginu

Skemmtistaðurinn Glaumbær brann

Heiðruðu fjölþjóðlegan hóp nýdoktora frá HÍ

Menningarteiti Teits haldið þriðja árið í röð

Auglýsing