Þjóðhátíð

Sala á Þjóð­há­tíð í Eyjum hefst á Tix.is klukkan 9 í dag. Fram koma Bríet, Bubbi Morthens, Emm­sjé Gauti, Reykja­víkur­dætur og Flott, auk hljóm­sveitarinnar Hips­um­haps sem spilar á há­tíðinni í fyrsta sinn.

Tón­listar­konan Bríet hefur verið bókuð á Þjóð­há­tíð í Eyjum og ekki nóg með að hún taki þar sviðið í fyrsta sinn heldur hefur hún aldrei áður komið á Þjóð­há­tíð. Þá liggur einnig fyrir að Jóhanna Guð­rún muni troða upp auk þess sem rappararnir Cell7 og Aron Can munu láta að sér kveða í dalnum.

Hreimur Örn Heimis­son semur og syngur þjóð­há­tíðar­lagið í ár en þar sem tuttugu ár eru síðan hann gerði eitt þekktasta þjóð­há­tíðar­lag síðari tíma, Lífið er yndis­legt, þótti til­valið að fá hann til þess að endur­taka leikinn. Nýja lagið heitir Göngum í takt og í því segist hann feta ó­troðnar slóðir.

Eyja­menn sigla bjart­sýnir út úr Co­vid-þokunni og ætla að halda sína Þjóð­há­tíð um verslunar­manna­helgina og Hörður Orri Grétars­son, for­maður Þjóð­há­tíðar­nefndar, gerir allt eins ráð fyrir að Herjólfs­dalur kjaft­fyllist eftir súrt messu­fallið í fyrra.