Skotárás á Egilsstöðum

Skotmaðurinn er á batavegi og situr í gæsluvarðhaldi á sjúkrahúsi. Rannsókn málsins lýtur meðal annars að tilraun til manndráps, valdstjórnarbrotum, líkamsárás, hótunum og almannahættubrotum auk brota gegn vopnalögum og barnaverndarlagabrotum.

„Þetta er hálfgerð hörmung og við erum að reyna að vinna okkur í gegnum þetta áfall,“ segir Árni Ólason skólameistari Menntaskólans á Egilsstöðum. Nemendur voru í skógi í miðri busavígslu þegar þau heyrðu skotum hleypt af. Fundað var með nemendum sem eiga um sárt að binda vegna þessarar lífsreynslu.