Orkumál

Sæstrengurinn getur flutt um 1400 megavött milli Bretlands og Noregs. Líklegt að orka verði seld á báða bóga, vatnsorka flutt til Bretlands og vindorka til Noregs.

Borgarbyggð á að marka skýra stefnu um nýtingu vindorku, segir skipulagsnefnd sem vill að sveitarstjórn hafni óskum um vindmyllugarð vegna mikillar andstöðu. VSÓ ráðgjöf segir nokkuð um misskilning og rangar upplýsingar um möguleg áhrif af vindmyllunum.

Landsvirkjun segir í tilkynningu sinni að mikil áhersla hafi verið lögð á að styrkja fjárhagsstöðu fyrirtækisins síðastliðinn áratug og hækka þannig lánshæfiseinkunnina.

Þórdís Kolbrún Reykfjörð Gylfadóttir segir að þegar hafi sýnt sig að sú ákvörðun að opna landið fyrir bólusettum ferðamönnum frá löndum utan Schengen hafi verið rétt. Bindur miklar vonir við að breytingar á raforkulögum náist í gegn fyrir þinglok. Tímabili mikillar aukningar ríkisútgjalda lokið. Raunveruleg orkuskipti kalla á stórauknar fjárfestingar í raforkuframleiðslu.

Breskt orku­fyrir­tæki hefur kynnt á­ætlanir um að reisa vind­myllur við strendur Ís­lands. Þær yrðu tengdar við breska raf­orku­kerfið með sæ­strengjum. Fyrir­tækið hefur ekki leitað til Orku­stofnunar.

Uppsett afl vindmyllugarðsins er sagt munu verða um 2000 megavött, en til samanburðar er uppsett afl Fljótsdalsstöðvar við Kárahnjúka um 690 megavött.

Olíuflutningar jafna sig smám saman eftir tölvuárás á eitt stærsta olíuleiðslufyrirtæki Bandaríkjanna. Forstjóri Póst- og fjarskiptastofnunar segir ógerning að nokkurt kerfi verði fullkomlega öruggt gegn tölvuárásum þótt gera megi ýmsar ráðstafanir.

Stefnt er að því að klára orku­skipti í Gríms­ey fyrir árið 2030. Þar eru brenndir 400 þúsund lítrar af olíu til raf­orku­fram­leiðslu og hús­hitunar. Setja á upp sex vind­myllur og eru tvær á leið til landsins. Þær eru níu metrar á hæð og spaðarnir spanna 5,6 metra.

„Við veltum fyrir okkur hvort stjórnsýsluferlið í kringum uppbyggingu flutningskerfisins virki sem skyldi,“ segir Guðmundur Ingi Ásmundsson, forstjóri Landsnets.

Hækkun lánshæfiseinkunnar byggir á væntingum til rekstrarins á næstu fjórum árum. Líklegt að aðgengi að lánamörkuðum erlendis muni batna.

Þrjú af fjórum sveitarfélögum hafa veitt framkvæmdaleyfi vegna Suðurnesjalínu II. Stefnt er að því að hefja framkvæmdir á þessu ári, en línan verður 34 kílómetra löng.

Forstjóri Landsnets segir að mikillar uppbyggingar flutningskerfis raforku sé þörf á næstu árum. Umfang fjárfestingaráætlunar fyrirtækisins hefur verið gagnrýnt af hagsmunaaðilum, enda hefur stærri eignastofn áhrif til hækkunar verðskrár. Hringtenging flutningskerfisins sé þjóðaröryggismál.

Grunni raforkusamningi breytt og álverðstenging tekin upp að hluta. Rio Tinto dregur til baka kvörtun til Samkeppniseftirlitsins. Samningur enn í gildi til ársins 2036.

Aðskilnaður Orku náttúrunnar, Veitna og Gagnaveitunnar verði algjör með niðurlagningu eignarhaldsfélags yfir félögunum þremur.

Nýtt frumvarp um breytingar á raforkulögum mun stytta tímabil grunnvaxta, sem nýtt er til útreiknings á vegnum fjármagnskostnaði sérleyfisfyrirtækja. Kerfisáætlun Landsnets verði lögð fram annað hvert ár. Orkustofnun verður efld og eftirlitshlutverk útvíkkað.

Samningurinn byggir á einfaldri reiknireglu sem deilir ákveðnu hlutfalli álverðs á heimsmarkaði í þann fjölda megavatta sem þarf til að framleiða eitt tonn af áli.

Drög að reglugerð kveður á um að allir geti notað hleðslustöðvar án þess að gera sérstakan samning. OR og Samorka gerðu athugasemdir við þetta atriði í fyrri drögum. Framkvæmdastjóri FÍB segir allar aðgangshindranir þránd í götu orkuskipta.

Líkt og Fréttablaðið greindi frá í síðustu viku var Ólafur Davíð Guðmundsson, framkvæmdastjóri Hlöðu, ráðinn sem ráðgjafi til ON.

Raf­magns­veitu­stjóri hjá RA­RIK segir íbúa verða setta í for­gang ef til orku­skorts kemur, líkt og varað er við í skýrslu Lands­nets. For­stjóri Lands­nets segir fáar góðar lausnir til skemmri tíma og óttast að það þurfi að nota olíu. Iðnaðar­ráð­herra segir þörf á að fyrir­byggja raf­magns­skerðingu.

Orka náttúrunnar réð framkvæmdastjóra og eiganda fyrirtækis sem selur hleðslustöðvar sem ráðgjafa og tæknistjóra hleðslustöðva. Ákvörðun var tekin af ON segir framkvæmdastjórinn. Hann hafi hins vegar aðeins sinnt viðhaldi.

Stjórn Sambands sveitarfélaga á Suðurlandi vill að iðnaðarráðherra beiti sér fyrir því að raforkuverð í dreifbýli og þéttbýli verði jafnað.

Allt rafmagnið er farið af í Argentínu, Úrúgvæ og hluta af Paragvæ og Brasilíu vegna bilunar í raforkukerfum.

Ráðherraráð ESB hefur samþykkt allar reglugerðir fjórða orkupakkans. Breytingar innleiða hreinni orkugjafa. Sérfræðingur í orkurétti segir líklegt að orkupakkinn fari í ferli hjá EES innan fárra mánaða.

Sérstaða íslensks orkumarkaðar er áréttuð í yfirlýsingu EFTA-ríkjanna í sameiginlegu EES-nefndinni. Þar segir að þriðji orkupakkinn hafi engin áhrif á yfirráð ríkjanna yfir orkuauðlindum sínum.

Formaður utanríkismálanefndar segir að skýr svör hafi fengist á fundi nefndarinnar í gær við ýmsum rangfærslum sem uppi hafi verið í umræðunni um þriðja orkupakkann. Fulltrúi Miðflokksins vill leita undanþágu frá innleiðingu reglugerðar.

Flutningskerfið tapar árlega sem nemur afli Svartsengis. Framkvæmdastjóri þróunar og tæknisviðs Landsnets segir mikilvægt að hugsa um raforkutap eins og matarsóun. Verðmæti sem fari til spillis.

Sérfræðingar segja engann lögfræðilegan vafa á því að þriðji orkupakkinn sé í samræmi við stjórnarskrá.

Fyrri um­ræðu um þings­á­lyktunar­til­lögu utan­ríkis­ráð­herra um þriðja orku­pakkann lauk rétt fyrir klukkan 22 í kvöld. Til­lagan fer næst til utan­ríkis­mála­nefndar.