Leigumarkaður

Þeim fjölgar sem sofa í bílum vegna húsnæðiseklu. Græðgi leigufélaga er sögð taumlaus. Félagslegt húsnæði skortir. Forsætisráðherra boðar úrbætur en stjórnarandstaðan segir stjórnvöld hafa sofið á verðinum.

Íbúum í Reykjavík fjölgaði um tæp þrjú þúsund árið 2021 sem er mesta fjölgun á einu ári í sögu borgarinnar. Á sama tíma fjölgaði íbúðum í Reykjavík um 1.252 og það stefnir í ámóta aukningu í ár.

Hækkanir á leiguverði hafa verið mun hóflegri en hækkanir fasteignaverðs. Hagfræðingur hjá Húsnæðis- og mannvirkjastofnun býst við að það dragi saman með hækkunum.

Frá árinu 2016 þegar lög um almennar íbúðir tóku gildi hafa ríki og sveitarfélög úthlutað framlögum að fjárhæð um 30 milljarða til uppbyggingar á yfir 3.000 hagkvæmum leiguíbúðum víðsvegar um landið. Í fyrri úthlutun ársins 2022 hefur HMS úthlutað 2,6 milljörðum til uppbyggingar á 328 íbúðum, því til viðbótar bætist við framlag frá sveitarfélögum.

Formaður Samtaka leigjenda segir leigjendur í Reykjavík búa við eina verstu stöðu sem fyrirfinnst í Evrópu. Framboðsskortur, sem og skortur á regluverki og leiguþaki fyrir leigumarkað, geri leigusölum mögulegt að nýta sér leigjendur til þess að skapa auð.

Íslenski leigumarkaðurinn er algerlega á skjön við það sem þekkist annars staðar í Evrópu. Hérlendis er leiguverðið sjálfdæmi leigusala og fyrir vikið eru engin bönd á verðhækkunum.

Samkvæmt tölum frá Þjóðskrá var heildarfjöldi þinglýstra leigusamninga á landinu voru 531 í síðasta mánuði og fjölgaði þeim um 2,7 prósent frá því í desember 2021 en fækkaði um 42,1 prósent frá janúar 2021.

Leiguverð hefur þróast í takt við annað verðlag síðustu mánuði, ólíkt því sem gerst hefur með kaupverð íbúða. Spenna á leigumarkaði hefur dregist saman síðustu misseri, meðal annars vegna aukinnar kaupgetu margra.