Landsbankinn

Héraðsdómur Reykjavíkur komst að þeirri niðurstöðu í hinum svonefndu vaxtamálum að lánaskilmálar Landsbankans uppfylltu ekki kröfur um útskýringu á forsendum vaxtabreytinga en telur Arion banka uppfylla kröfur.

Hagfræðingar Landsbankans spá því að peningastefnunefnd Seðlabankans muni hækka stýrivexti um 0,5 prósent miðvikudaginn 8. febrúar. Telja þeir engar líkur á að vextir haldist óbreyttir.

Fyrri hluta árs 2022 styrktist krónan nokkuð. Evran stóð í 148 krónum í byrjun árs en var í kringum 140 megnið af sumrinu og í byrjun hausts. Flestir fóru því inn í veturinn nokkuð bjartsýnir á krónuna.

Hlutfall fyrstu kaupenda af kaupendum íbúða hefur minnkað á síðustu mánuðum, enda hefur verð hækkað, sama gildir um vexti og Seðlabankinn hefur auk þess hert lánþegaskilyrði. Nýjum verðtryggðum lánum fjölgar, eftir að hafa nær þurrkast út í faraldrinum. Um 25 prósent af íbúðum eru í eigu einstaklinga sem eiga fleiri en eina íbúð. Hlutfallið hefur haldist nokkuð stöðugt í áratug.

Fjárfestingafélagið Kaldbakur ehf. tók í gær formlega við Landsbankahúsinu við Ráðhústorg á Akureyri. Sjö tilboð bárust í húsið og var tilboð Kaldbaks hæst. Ákveðið hefur verið að gera rekstur og fjárfestingar Kaldbaks sjálfstæðan, en félagið er dótturfélag Samherja.

Guðrún S. Ólafsdóttir og Hildur Sveinsdóttir hafa tekið við sem forstöðumenn á Einstaklingssviði Landsbankans. Báðar hafa þær mikla reynslu af störfum á fjármálamarkaði.

Viggó Ásgeirsson, framkvæmdastjóri og einn af stofnendum Meniga, hefur verið ráðinn forstöðumaður Viðskiptaþróunar á Einstaklingssviði Landsbankans.

Vísitala íbúðaverðs á höfuðborgarsvæðinu lækkaði um 0,4% milli mánaða í ágúst. Þetta er í fyrsta sinn síðan í nóvember 2019 sem vísitalan lækkar og skýr merki um að markaðurinn sé farinn að kólna.

Hrávöruverð hefur almennt farið lækkandi á síðustu mánuðum. Það mun styðja við hjöðnun verðbólgunnar í heiminum en hún hefur ekki mælst meiri á Vesturlöndum í nokkra áratugi.

Erlendir ferðamenn um Leifstöð voru rúmlega 234 þúsund í júlí. Til samanburðar voru þeir rúmlega 231 þúsund í júlí 2019, síðasta árið fyrir faraldur. Ferðamenn voru því 1,3 prósent fleiri nú í júlí en fyrir faraldur. Þetta er í fyrsta sinn eftir faraldur sem fjöldinn er meiri í einum mánuði en í sama mánuði 2019.

Norður­húsið í nýja Lands­banka­húsinu við Austur­höfn hefur verið hluti af fram­tíðar­skipan Stjórnar­ráðsins, en nú er ó­víst hvort af kaup­samningi ríkis og banka verði.

Verðbólgan er nú orðin svo há að hún hefur stöðvað langt tímabil kaupmáttaraukningar á íslenskum vinnumarkaði og er farin að éta upp það sem unnist hefur hjá launafólki undanfarin misseri og ár. Þetta kemur fram í Hagsjá Landsbankans um vinnumarkaðinn.

Veruleg breyting varð á samsetningu íbúðalána í heimsfaraldrinum og upphæð óverðtryggðra íbúðalána hjá viðskiptabönkunum rúmlega þrefaldaðist. Greiðslubyrði óverðtryggðra lána með breytilegum vöxtum hefur nær tvöfaldast á einu ári vegna stýrivaxtahækkana Seðlabankans.

Gróa Helga Eggertsdóttir hefur verið ráðin forstöðumaður Þjónustuvers Landsbankans.

Kristín Rut Einarsdóttir hefur verið ráðin útibússtjóri Landsbankans í Hafnarfirði.

Landsbankinn spáir því að verðbólga nái hámarki í haust í ríflega 8 prósentum en lækki svo á ný. Stýrivextir hækki í 6 prósent fyrir árslok. Töluverður hagvöxtur verði og atvinnuleysi minni áfram.

Landsbankinn býður nú upp á rafrænar þinglýsingar við endurfjármögnun íbúðalána. Í tilkynningu frá bankanum segir að hann sé fyrstur fjármálastofnana til að taka þetta skref. Unnið sé að því að hægt verði að þinglýsa rafrænt öllum íbúðalánum bankans.

Landsbankinn spáir 0,8 prósenta hækkun vísitölu neysluverðs milli apríl og maí, en Hagstofan birtir maímælingu vísitölu neysluverðs mánudaginn 30. maí.

Hagnaður Landsbankans á fyrstu þremur mánuðum ársins 2022 nam 3,2 milljörðum króna eftir skatta samanborið við 7,6 milljarða króna hagnað á sama tímabili árið 2021. Arðsemi eigin fjár á tímabilinu var 4,7 prósent á ársgrundvelli, samanborið við 11,7 prósent á sama tímabili 2021.

Í Fréttablaðinu í gær var viðtal við Birnu Einarsdóttur, bankastjóra Íslandsbanka, um þátttöku starfsmanna bankans, sem var einn söluaðila í útboði á hlutum ríkisins í bankanum í síðasta mánuði, í sjálfu útboðinu, en nokkrir starfsmenn bankans voru á meðal kaupenda.

Íbúðaverð hækkaði um 3,1 prósent milli febrúar og mars en verðhækkanir milli mánaða hafa aukist á síðustu mánuðum þvert á væntingar. Hækkunin nú í mars var sú mesta milli mánaða síðan í mars í fyrra. Í Hagsjá Landsbankans um fasteignamarkaðinn kemur fram að hagfræðingar bankans telja þessa niðurstöðu renna stoðum undir nýja spá Hagfræðideildar um aukna verðbólgu næstu mánuði.

Hagstofan birtir aprílmælingu vísitölu neysluverðs (VNV) fimmtudaginn 28. apríl. Hagfræðideild Landsbankans spáir tæplega 0,7 prósenta hækkun vísitölunnar milli mars og apríl.

Una Jónsdóttir hefur verið ráðin í starf forstöðumanns Hagfræðideildar Landsbankans.

Hagstofan mun birta marsmælingu vísitölu neysluverðs þriðjudaginn 29. mars. Íslandsbanki og Landsbankinn birtu í morgun spár sínar um hækkun vísitölunnar milli mánaða og báðir bankarnir spá því að vísitalan hækki um ríflega 1 prósent milli febrúar og mars og að árshraði verðbólgunnar verði því 6,8 prósent.

Íbúðaverð hækkaði um 2,5 prósent milli janúar og febrúar sem er mesta hækkun milli mánaða síðan í apríl í fyrra. Hækkun íbúðaverðs er orðin meiri en gert var ráð fyrir og eykst milli mælinga. Þetta kemur fram í Hagsjá Landsbankans um fasteignamarkaðinn þar sem fjallað er um nýjustu tölur Þjóðskrár um þróun íbúðaverðs.

Hagsjá Landsbankans fjallar í dag um nýbirtar fyrstu tölur Hagstofunnar um þjóðhagsreikninga ársins 2021. Þáttur hins opinbera í hagkerfinu var mjög áberandi og mikilvægur á tíma kórónuveirufaraldurisns, en heldur dró úr á árinu 2021. Athygli vekur að boðað fjárfestingarátak stjórnvalda 2019 snerist upp í andhverfu sína.

Hagfræðingar Landsbankans segja innrás Rússlands í Úkraínu hafa aukið verulega óvissu um efnahagsþróunina í heiminum á þessu ári og vakið upp spurningar um áhrif stríðsins á íslenskan efnahag. Í Hagsjá Landsbankans, sem birtist í morgun, segir að bein áhrif á íslenskan efnahag ættu að verða verulega léttvæg en óbeinu áhrifin gætu orðið töluvert mikil.

Hagsjá Landsbankans fjallar um upplýsingar um fjárfestingu í íbúðarhúsnæði sem birtust í nýjum þjóðhagsreikningum Hagstofunnar. Íbúðafjárfesting dróst saman um 4,4 prósent í fyrra en þrátt fyrir það var mikið fjárfest, bæði í sögulegu samhengi og sem hlutfall af landsframleiðslu. Aukin velta í byggingariðnaði og vaxandi starfsmannafjöldi benda til þess að góður gangur sé í greininni og vænta megi fjölgunar íbúða eftir því.

Landsbankinn hefur hækkað breytilega vexti óverðtryggðra lána um 0,5 prósent. Vextir á óverðtryggðum sparireikningum hækka um 0,75 prósent, eða um sama prósentustig og stýrivextir Seðlabankans á dögunum. Vaxtamunur þarna á milli lækkar því sem nemur 0,25 prósentustigum. Hins vegar eykst vaxtamunur verulega milli útlána og innlánsvaxta á veltureikningum.

Í Hagsjá Landsbankans í dag er fjallað um tölur um 12 mánaða hækkun íbúðaverðs sem Þjóðskrá birti í gær. Annan mánuðinn í röð mælist hækkun íbúðaverðs talsvert mikil. 12 mánaða hækkun sérbýlis hefur ekki verið meiri síðan 2006. Húsnæði er einn helsti drifkraftur verðbólgu um þessar mundir og gæti þessi hækkun því leitt til meiri og þrálátari verðbólgu en áður var spáð.

Kortavelta Íslendinga jókst lítillega milli ára í janúar. Innanlands mátti aðallega greina aukningu í kaupum á þjónustu ferðaskrifstofa. Ferðaþorsti Íslendinga er greinilega mikill og er gert vel við sig í utanlandsferðum á nýju ári, auk þess sem netverslun hefur aukist. Þetta kemur fram í Hagsjá Landsbankans um kortaveltu.

Sala sumarhúsa hefur aukist meira en sala íbúða á síðustu árum. Lægri vextir, aukinn sparnaður og færri ferðalög vegna faraldursins hafa hvatt til sumarhúsakaupa. Viðbúið er að hægi á eftirspurninni með hækkandi vöxtum. Þetta kemur fram Í Hagsjá Landsbankans um fasteignamarkaðinn í morgun.

Töluverðar lækkanir urðu á hlutabréfamörkuðum flestra stærstu viðskiptalanda Íslands í janúar. Íslenski markaðurinn lækkaði einnig enda hafa verðbreytingar erlendis haft tilhneigingu til að skila sér í samsvarandi verðbreytingum hérlendis. Segja má að hlutabréfamarkaðir hafi verið nokkuð stefnulausir síðustu mánuði og hafa verðlækkanir fylgt verðhækkunum og svo öfugt. Mesta hækkun á innlendum hlutabréfum var hjá Icelandair Group í janúar en mesta lækkunin var hjá Origo. Þetta kemur fram í Hagsjá Landsbankans um hlutabréfamarkaðinn.

Ellert Arnarson hefur verið ráðinn forstöðumaður Fyrirtækjaráðgjafar Landsbankans og hefur störf á næstu vikum.

Landsbankinn hefur stofnað nýjan styrktarsjóð, Sjálfbærnisjóðinn. Markmið sjóðsins er að styðja verkefni sem stuðla að sjálfbærni og hafa jákvæð áhrif á umhverfið.

Í Hagsjá Landsbankans sem birtist í morgun kemur fram að samkvæmt vinnumarkaðsrannsókn Hagstofu Íslands er áætlað að um 208.900 manns hafi verið á vinnumarkaði í desember 2021, sem jafngildir 78 prósenta atvinnuþátttöku. Af þeim voru um 199.700 starfandi og um 9.200 atvinnulausir og í atvinnuleit, eða um 4,4 prósent af vinnuaflinu.

Á tímabilinu frá 2015 til 2021 var 30-40 prósentustiga munur á launahækkunum þeirra starfsstétta sem hækkuðu mest og minnst, verkafólk hækkaði mest, um 71 prósent, og stjórnendur minnst, um rúmlega 40 prósent. Á sama tíma hækkuðu laun í helstu atvinnugreinum á almenna markaðnum í kringum 60 prósent, nema í fjármála- og vátryggingarstarfsemi þar sem hækkunin var um 50 prósent. Þetta kemur fram í Hagsjá Landsbankans um vinnumarkaðinn sem birtist í morgun.

Launavísitalan var nær óbreytt milli nóvember og desember samkvæmt tölum Hagstofu Íslands. Síðustu 12 mánuði hefur launavísitalan hækkað um 7,3 prósent, sem er eilítið lægri árstaktur en verið hefur síðustu mánuði. Launavísitalan hækkaði um 8,3 prósent milli meðaltala áranna 2020 og 2021 og hefur ekki hækkað meira síðan 2016. Þetta kemur fram í Hagsjá Landsbankans um vinnumarkað sem birtist í morgun.

Mikil virkni íbúðamarkaðar á síðasta ári leiddi ekki til þess að heimili juku skuldsetningu í formi íbúðalána. Lægri vextir hafa aukið hlutdeild óverðtryggðra lána og nú er orðið algengara að fólk festi vexti slíkra lána þar sem vaxtahækkunarferli er þegar hafið. Þetta kemur fram í Hagsjá Landsbankans um fasteignamarkaðinn sem birt var í morgun.

Í Hagsjá Landsbankans um fasteignamarkaðinn sem birt var í gær kemur fram að íbúðaverð á höfuðborgarsvæðinu hækkaði um 1,8 prósent milli mánaða í desember sem er talsvert meiri hækkun en hefur sést á síðustu mánuðum.

Samkvæmt gögnum Hagstofunnar hækkuðu staðgreiðsluskyld laun allra á vinnumarkaði (launasumman), um 8,4 prósent milli fyrstu tíu mánaða 2020 og 2021. Fjöldi launafólks sem fékk staðgreiðsluskyldar greiðslur fyrstu tíu mánuði 2021 var nær óbreyttur frá sama tíma 2020, þannig að meðallaun hækkuðu talsvert. Þetta kemur fram í Hagsjá Landsbankans um vinnumarkað í morgun.

Kortavelta Íslendinga heldur áfram að aukast. Líkt og síðustu mánuði var það erlenda kortaveltan sem hélt uppi vextinum í desember sl. en mikill ferðahugur er í landanum um þessar mundir. Þessar tölur ásamt öðrum hagvísum gefa góð fyrirheit um þróun einkaneyslunnar á næstu misserum og útlit er fyrir myndarlegan vöxt hennar á árinu. Um þetta er fjallað í Morgunkorni Íslandsbanka og Hagsjá Landsbankans í dag.

Í vinnumarkaðsrannsókn Hagstofu Íslands er áætlað að um 210.200 manns hafi verið á vinnumarkaði í nóvember 2021, sem jafngildir 78,7 prósenta atvinnuþátttöku. Af þeim voru um 203.100 starfandi og um 7.100 atvinnulausir og í atvinnuleit, eða um 3,4 prósent vinnuaflsins. Þetta kemur fram í Hagsjá Landsbankans um vinnumarkað.

Sigríður starfaði árunum 2017 til 2020 sem mannauðsstjóri Eimskips.

Meðal þess sem veldur því að tekjuhalli ríkisins er talinn minnka mikið á þessu ári frá því síðasta er að dregið er úr fjárframlögum til samgöngu- og fjarskiptamála, auk þess sem dregið er úr sérstöku fjárfestingarátaki sem ætlað var til að mæta efnahagssamdrætti vegna heimsfaraldursins.

Leiguverð hefur þróast í takt við annað verðlag síðustu mánuði, ólíkt því sem gerst hefur með kaupverð íbúða. Spenna á leigumarkaði hefur dregist saman síðustu misseri, meðal annars vegna aukinnar kaupgetu margra.

Fram kemur í Hagsjá Landsbankans í dag að ríki og sveitarfélög eru enn leiðandi þegar kemur að launahækkunum og laun í opinbera geiranum hafa hækkað mun meira en laun á almennum markaði.

Hagfræðideild Landsbankans segir samsetningu verðbólgunnar hafa breyst mikið milli ára, en í morgun birti Hagstofan verðbólgutölur sem sýna hæstu verðbólgu í níu ár.

Tap af rekstri ferðaþjónustunnar í fyrra nam 104,6 milljörðum króna fyrir skatta samkvæmt Hagstofunni. Þetta kemur fram í Hagsjá Landsbankans í morgun. Árið 2020 var versta rekstrarár í sögu íslenskrar ferðaþjónustu en heimsfaraldurinn lék ferðaþjónustu í heiminum grátt á síðasta ári. Erlendum ferðamönnum fækkaði mikið hér á landi og samgöngutakmarkanir leiddu til þess að mörg ferðaþjónustufyrirtæki lokuðu tímabundið og sum lögðu upp laupana.

Stefna stjórnvalda um að láta auknar opinberar fjárfestingar vega upp á móti minni fjárfestingum atvinnulífsins í kjölfar gjaldþrots WOW air og vegna COVID-19 faraldursins virðist hafa mistekist og vart hægt að tala um fjárfestingarátak í þeim efnum.

Hlutfall íbúða í eigu einstaklinga og lögaðila sem eiga fleiri en eina íbúð hefur haldist stöðugt síðustu ár samkvæmt Hagsjá Landsbankans.

Launavísitalan hækkaði milli ágúst og september eða um 0,7 prósent samkvæmt tölum frá Hagstofu Íslands.

Hagfræðideild Landsbankans spáir 14 prósent hækkun íbúðaverðs milli ára í ár en 9 prósent á næsta ári. Þá sé viðbúið að dragi úr eftirspurn þegar vextir taka að hækka á ný.

Daníel Svavarsson, forstöðumaður hagfræðideildar Landsbankans segir að efnahagsbatinn sé hafinn af fullum krafti.

Hagfræðideild Landsbankans spáir því að dragi úr hækkunartakti húsnæðisverðs á komandi misserum. Þá spáir bankinn 4,5 prósent verðbólgu í október.

Eyrún Anna hefur gaman af útivist og vatnasporti. Þá þykir henni orkuiðnaðurinn spennandi geiri.

Atvinnulausir og í atvinnuleit voru 10.900 eða um 5,5 prósent af vinnuaflinu.

Afkoma ríkissjóðs var verri en hjá sveitarfélögunum eða um -27,2 prósent af tekjum borið saman við -6,8 prósent hjá sveitarfélögunum.

Landsbankinn greiddi ríkinu 4,5 milljarða króna í arð. 2,5 milljarða króna jákvæð virðisbreyting útlána vegna batnandi efnahagshorfa.

Fram kemur í umfjöllun hagdeildar Landsbankans að vel hafi tekist til við að auka framboð fasteigna og mæta þörfum þeirra sem vilja eignast húsnæði, þvert á það sem umræðan gefur oft til kynna.

Þrátt fyrir lakari afkomu og minni arðsemi á árinu 2020 samanborið við árið á undan, hyggst bankinn greiða út arð vegna afkomu síðasta árs. Enginn arður var greiddur vegna ársins 2019.

Gert er ráð fyrir að skuldabréfin fái lánshæfiseinkunnina BBB frá S&P Global Ratings.