Hæstiréttur

Í næstu viku verður flutt í Hæstarétti mál um lögmæti uppgreiðslugjalds á lánum ÍL-sjóðs. Hæstiréttur hefur þegar staðfest að ÍL-sjóður hafi brotið gegn neytendalánalögum og nú er tekist á um hvort lögbrotið leiði til þess að sjóðnum verði gert að endurgreiða gjaldið. Lögmaður segir málið prófstein á réttindi neytenda.

Hæstiréttur kvað í dag upp dóm þess efnis að Tryggingastofnun hafi verið óheimilt að skerða greiðslur á sérstakri framfærslu uppbót vegna búsetu erlendis. Málið hefur farið í gegn um öll dómstig, og niðurstaðan er endanleg – fullnaðarsigur Öryrkjabandalagsins.. Fordæmisgildið er mikið, en hér hafði einn einstaklingur sigur, sem verður að líkindum grunnur fyrir fjölda annara til að sækja rétt sinn á.

Fyrrverandi hæstaréttardómari segir „dómaraelítuna“ ráða því hverjir skipi Hæstarétt og velja gamla skólabræður umfram hæfari lögfræðinga

Kona sem neitaði að borga lokagreiðslu fyrir fasteign vann sigur í Hæstarétti í gær. Lögmaður hennar segir dóminn fordæmisgefandi um erfiða nágranna og galla á fasteignum.

Ríkis­sak­sóknari telur dóm Hæstaréttar í máli tveggja manna á fertugsaldri sem nauðguðu 16 ára stúlku til marks um að rétturinn sé að hallast að þyngri refsingum í nauðgunar­málum.

Mannréttindanefnd Sameinuðu þjóðanna hefur í annað skipti birt álit um brot ríkisins gegn samningi um borgaraleg og stjórnmálaleg réttindi. Fyrst var það kvótakerfið en nú dómþoli í mansalsmáli.

Systur vilja fá viðurkennt hjá Hæstarétti að meintur afi þeirra sé í raun afi þeirra og að þær eigi rétt á arfi. Eignir mannsins, um það bil 18 milljónir króna, eru til skipta og telja konurnar að faðir þeirra hafi verið rangfeðraður.

Þórhallur miðill hefur verið dæmdur í 18 mánaða fangelsi og gert að greiða manninum sem hann braut gegn hærri miskabætur en áður í fordæmisgefandi dómi Hæstaréttar um samþykki.

Fjórir af sjö dómurum við Hæsta­rétt voru skipaðir á þessu ári. Rétturinn hefur gengið í gegnum miklar breytingar undan­farin ár. Bene­dikt Boga­son, for­seti Hæsta­réttar, segir starfið hafa tekið miklum breytingum. Málin sem fá af­greiðslu eru mun færri en stærri.

Forseti Mannréttindadómstóls Evrópu heimsótti Hæstarétt í dag og átti fund með dómurum, skrifstofustjóra og aðstoðarmönnum réttarins.

Mannréttindadómstóll Evrópu hefur slegið skjaldborg um dómsvaldið með niðurstöðu sinni í Landsréttarmálinu að mati Vilhjálms Vilhjálmssonar.

Kynjahlutföll hafa aldrei verið jafnari í Hæstarétti Íslands en þau verða með skipun tveggja kvenna við réttinn. Þrjár konur munu sitja í Hæstarétti en fjórir karlar.

Hæsti­réttur mun taka fyrir mál Jerzy Wlodzimi­erz Lubaszka, sem var sak­­felldur í Lands­rétti fyrir inn­flutning á 11.550 ml. af am­feta­mín­basa. Tollverðir fundu fíkniefnin í eldsneytistanki bifreiðar sem Lubaszka ók er hann kom úr Norrænu, en hann var sýknaður í héraði.

Fjár­hags­legir hags­munir Markúsar Sigur­björns­sonar, fyrr­verandi for­seta Hæsta­réttar, eru grund­völlur á­kvörðunar um endur­upp­töku saka­máls tengdu Glitni banka. Vegna fjár­hags­legs taps dómarans mátti dóm­felldi draga ó­hlut­drægni dóm­stólsins með réttu í efa.

Hæstiréttur hefur ómerkt sýknudóm Landsréttar yfir konu sem var sökuð um hlutdeild í nauðgun gegn konu með þroskahömlun og vísar málinu aftur til Landsréttar. Tveir dómarar skiluðu inn séráliti en þeir töldu að staðfesta ætti sýknudóminn.

Alvar Óskarsson, sem var síðastliðinn júní dæmdur í sex ára fangelsi fyrir stórfellt fíkniefnabrot, óskaði eftir áfrýjunarleyfi til Hæstaréttar vegna dómsins en Hæstiréttur hefur nú hafnað þeirri beiðni.

RÚV greinir frá því að hæstiréttur hafi fallist á málskotabeiðni Þórhalls miðils en hann telur að brotið sem hann var dæmdur fyrir hafi ekki verið refsivert þegar það átti sér stað auk þess sem brotið hafi verið gegn milliliðalausri sönnunarfærslu.

Tví­vegis hefur verið sak­fellt fyrir fram­leiðslu fíkni­efna á þessu ári og vísað í for­dæma­lausan dóm Hæsta­réttar frá 2010. Maður sem dæmdur var í sex ára fangelsi í Lands­rétti vill fá málið fyrir Hæsta­rétt.

Benedikt Bogason hefur verið kjörinn forseti Hæstaréttar Íslands. Ingveldur Einarsdóttir var kjörin varaforseti. Þau taka við embætti þann 1. september næstkomandi.

Tveir nýir dómarar verða skipaðir við Hæstarétt í haust þegar Þorgeir Örlygsson og Gréta Baldursdóttir láta af embætti. Mikil endurnýjun hefur orðið í réttinum og nokkur ár gætu liðið áður en næsti dómari lætur af embætti.

Hæsta­réttar­­dómararnir Þor­­geir Ör­lygs­­son og Greta Baldurs­dóttir hafa óskað lausnar frá em­bætti frá 1. septem­ber næst­komandi. Bæði hafa gegnt em­bættinu í níu ár.

Sigurður Tómas Magnússon hefur verið skipaður dómari við Hæstarétt Íslands frá 18. maí næstkomandi.

Hæstiréttur hefur fallist á að taka mál þeirra Eiríks Jónssonar og Jóns Höskuldssonar til meðferðar. Þeir krefjast skaðabóta vegna skipunar dómara við Landsrétt.

Hæstiréttur fer nú í gegnum kynslóðaskipti. Þrír dómarar hafa látið af störfum á innan við ári og aðrir komið í staðinn. Fréttablaðið rýndi í sérsvið dómara æðsta dómstóls þjóðarinnar og ræddi við talsmenn lögmanna og dómara um mikilvægi breiddar réttarins.

Hvorki héraðsdómstólar né Landsréttur birta opinberlega upplýsingar um fjárhagslega hagsmuni dómara . Hæstiréttur hóf slíka birtingu að eigin frumkvæði árið 2017. Ráðherra hefur boðað frumvarp um aukið gagnsæi um hagsmuni dómara. Dómur féll nýlega í Strassborg vegna hlutafjáreignar dómara.

Niðurstaðan í máli Elínar Sigfúsdóttur hjá MDE bendir til þess að öll þrjú Landsbankamálin sem bíða dóms fari á sama veg. Áfellisdómur gæti fallið í Glitnismálum vegna taps Markúsar Sigurbjörnssonar. Ekki góð fyrirheit fyrir mál Ólafs Ólafssonar. Gréta Baldursdóttir er dómarinn sem átti hlut í Kaupþingi. Hún dæmdi ekki hans mál.

Dómur í Máli Sigríðar Elínar Sigfúsdóttur verður kveðinn upp í Strassborg í dag. Um er að ræða fyrsta málið sem varðar hlutafjáreign dómara. Enn bíða mörg hrunmál niðurstöðu Mannréttindadómstólsins.

Kærur Karls Wernerssonar og tveggja endurskoðenda Milestone fá efnismeðferð hjá Mannréttindadómstóli Evrópu. Dómur verður kveðinn upp í máli Sigríðar Elínar Sigfúsdóttur í Strassborg í næstu viku.

Danskur prófessor, sem er einn helsti gagnrýnandi Mannréttindadóms Evrópu, kvaðst á 100 afmæli Hæstaréttar efast um að áfellisdómar gegn Norðurlöndunum varði grundvallarréttindi á borð við brot framin í Tyrklandi.

Mann­réttinda­dóm­stóll Evrópu tekur markaðs­mis­notkunar­mál þriggja stjórn­enda Lands­bankans til efnis­með­ferðar. Spurningum beint til ís­lenska ríkisins um hluta­bréfa­eign þriggja dómara við Hæsta­rétt.

Hæstiréttur taldi að frágangur málsgagna í máli Atla Más Gylfasonar gegn Guðmundi Spartakusi hafi verið svo slæmur að oft hafi verið erfitt að skilja þau. Málstefna fyrir héraðsdómi hafi að sama skapi verið svo óskýr að málinu hefði átt að vera vísað sjálfkrafa frá.

Máli Guðmundar Spartakusar gegn Atla Má Gylfasyni, blaðamanni hefur verið vísað frá Hæstarétti. Atli er ánægður með niðurstöðuna og segir að málið sé örlítil sárabót fyrir fjölskyldu Friðriks. Lögmaður Guðmundar hafði ekki séð dóminn þegar Fréttablaðið náði tali af honum.

Davíð Þór Björgvinsson, Ingveldur Einarsdóttir og Sigurður Tómas Magnússon, dómarar við Landsrétt, eru talin hæfust umsækjenda um embætti við Hæstarétt. Frestur til að gera athugasemdir við matið rann út á föstudag.

Hæstiréttur kvað upp dóm sinn í dag í máli Barnaverndarstofu gegn Freyju Haraldsdóttur. Dómstóllinn staðfesti dóm Landsréttar þar sem felldur var úr gildi úrskurður velferðarnefndar um að synja Freyju umsókn Freyju um að vera fósturforeldri.

Mál sem varða meint vanhæfi sex dómara við Hæstarétt í þremur hrunmálum eru komin til efnislegrar meðferðar hjá MDE. Málin varða fyrrum eigendur og lykilstarfsmenn úr öllum föllnu bönkunum.

Helmingur dómara við Hæstarétt er að komast á leyfilegan eftirlaunaaldur. Þeirra á meðal er eina konan í réttinum.