Fuglar

Leitin að fugli ársins fór fram í annað skipti í ár þar sem Íslendingum bauðst að velja þann fugl sem þeim fannst eiga titilinn skilið. Niðurstöður liggja nú fyrir og ljóst er að maríuerlan er fugl ársins 2022.

Sílamávar halda áfram að vera íbúum Sjálandshverfis í Garðabæ til ama. Bærinn hyggst reyna að fækka mávunum og leiðbeina íbúum um hvað sé til ráða.

Ítalski listamaðurinn Claudio Pedica keypti sína fyrstu myndavél í janúar í fyrra. Hann einbeitti sér að ljósmyndum af villtu íslensku dýralífi og í október birtist ljósmynd eftir hann á forsíðu ljósmyndatímaritsins Olymp­us Passion.

Tónlistarkonan Una Stef segir sögu af foreldrum sínum á Twitter, sem sinnt hafa smáfuglunum vel í vetrarhörkunum síðustu vikur. Í byrjun desember hafa foreldrarnir síðan jólaskreytt í kringum fóðurílát fuglanna í tré úti í garði hjá sér. Una birti á dögunum myndir af tveimur litlum fuglahúsum, ásamt seríu, sem hangir í tré í garði æskuheimilisins.

Rjúpnastofninn mælist nú sá minnsti frá því mælingar hófust 1995. Stofninn er í neðstu mörkum svipað og þegar þáverandi umhverfisráðherra, Siv Friðleifsdóttir, ákvað að banna rjúpnaveiðar. Dýravinir vilja banna rjúpnaveiðar.

Landvernd hefur kallað eftir því að moldarflutningar á Álftanesi verið stöðvaðar en framkvæmdir við nýjan golfvöll fara fram í miðju fuglavarpi.

Því lengur sem lundi flýgur eftir fæðu því lélegri verður ungaframleiðsla. Ný rannsókn á fjórum lundastofnum, meðal annars hér á Íslandi, leiðir í ljós að lundi flýgur um 120 kílómetra leið til að finna sér æti.

Starfs­menn Lands­nets komu væng­brotinni uglu sem þeir fundu við tengi­virki fyrir­tækisins í morgun til dýra­læknis.