Fréttavaktin

Ung móðir búsett í fannfergi á Seyðisfirði, sem gengin er 30 vikur á leið með sitt annað barn, segir þjónustu við verðandi mæður á Austurlandi ólíðandi, sem hafi sýnt sig síðasta sólarhring í mikilli ófærð. Mínútur geti skipt máli þegar meðganga og fæðing sé annars vegar.

Í Fréttavaktinni þriðjudaginn 28. mars 2023 er þetta helst:

Bransa- og kvikmyndahátíðinni Stockfish var hleypt af stokkunum í síðustu viku. Hátíðin stendur fram í apríl og er óhagnaðardrifin hátíð sem fagfélög kvikmyndagerðarmanna standa fyrir, og þar er fjöldi mynda í boði.

Kannanir hafa bent til að fylgi flokks Vinstrihreyfingar - græns framboðs sé komið undir 6%. Þetta er lítið fylgi og ekki hefur mælst minna um áraraðir. Katrín Jakobsdóttir forsætisráðherra segist ekki eiga von á frekari úrsögnum úr VG að svo stöddu.

Í Fréttavaktinni mánudaginn 27. mars er þetta helst:

Blær Hinriksson er handboltakappi og kvikmyndastjarna. Hann lék sigurleik í bikarúrslitum í handbolta með Aftureldingu um síðustu helgi, og lék í kvikmyndinni Berdreymi sem fékk Edduverðlaun sem besta kvikmynd ársins á sunnudagskvöldið.

Þorgerður Katrín Gunnarsdóttir, formaður Viðreisnar ræddi efnahagsmálin ásamt Jakobi Frímanni Magnússyni tónlistarmanni og þingmanni Flokks fólksins í Fréttavaktinni á Hringbraut föstudaginn 23. mars.

Í Fréttavaktinni 24. mars 2023:

Í Fréttavaktinni fimmtudaginn 23. mars er þetta helst:

Í Fréttavaktinni 22. mars er þetta helst:

Í Fréttavaktinni þriðjudaginn 21. mars 2023 er þetta helst:

Í Fréttavaktinni þann 20. mars 2023 er þetta helst:

Júlía Margrét Einarsdóttir rithöfundur ræðir nýtt útlendingafrumvarp í Fréttavaktinni á Hringbraut, þar sem þær Ingibjörg Sædís háskólanemi ræða fréttir vikunnar. Hún efast um að nokkur maður myndi svindla sér til Íslands, heldur alltaf sé um neyð að ræða. Á Íslandi sé alltaf ógeðslega kalt, dimmt og leiðinlegt.

Í Fréttavaktinni föstudaginn 17. mars er þetta helst:

„Við erum að missa okkar verðmætasta fólk,” segir ung móðir sem sér ekki framtíð fjölskyldunnar fyrir sér í Reykjavík vegna langvarandi leikskólavanda. Hún telur borgaryfirvöld algjörlega hafa brugðist ungu barnafólki.

Í Fréttavaktinni 16. mars er þetta helst:

Listdansskóli Íslands berst nú í bökkum vegna niðurskurðar og hefur öllum fastráðnum starfsmönnum verið sagt upp. Skólastjóri veltir fyrir sér hvort að kyn iðkenda eigi hlut að máli í langdreginni og ókláraðri flækju varðandi fjármögnun skólastarfsins.

Í Fréttavaktinni miðvikudaginn 15. mars er þetta helst:

Í Fréttavaktinni þriðjudaginn 14. mars er þetta helst:

Á Iðnþingi á dögunum fjallaði Áslaug Arna Sigurbjörnsdóttir háskólaráðherra um að karlmenn væru ekki að skila sér í nám. Þá kom í ljós að íslenskir háskólar standast ekki samanburð og eru að dragast aftur úr á alþjóðavettvangi.

„Loksins var gaman að horfa á Óskarinn,“ segir Gunnar Anton Guðmundsson þáttastjórnandi Bíóbæjarins á Hringbraut. Gunnar Anton vakti yfir hátíðinni aðfaranótt mánudags og sagði hana hafa verið óvenjulega skemmtilega í þetta sinn.

Í Fréttavaktinni þann 13. mars 2023 er þetta helst.

„Ég er orðinn svo gamall að ég sé bara heildarmyndina. Mér finnst frábært að nöfn fari í umferð almennt séð,“ segir Arnar Eggert Thoroddsen um tilnefningar til Íslensku tónlistarverðlaunanna sem kynntar voru í gær.

Síðustu daga hafa fjölmiðlar flutt fréttir af samskiptum auðkýfingsins og eiganda Twitter, Elon Musk, við íslenska frumkvöðulinn Harald Þorleifsson á Twitter í vikunni. Elon fór með rangar ásakanir á hendur Haraldi sem Elon dró síðan til baka og baðst í kjölfarið afsökunar.

Hrönn Sveinsdóttir framkvæmdastjóri Bíó Paradísar og Daníel E. Arnarson framkvæmdastjóri Samtakanna '78 segja að Íslenska óperan hefði þurft að undirbúa sig betur fyrir sýningar á Madama Butterfly. Hrönn segir óperuna hafa sýnt taktleysi með uppfærslunni.

Í Fréttavaktinni föstudaginn 10. mars er þetta helst:

Ragnheiður Sölvadóttir er móðir Guðmundar Sölva, sem fæddist með tvíklofna vör og góm. Mæðginin segja farir sínar ekki sléttar af samskiptum við Sjúkratryggingar Íslands, og óskiljanleg endurgreiðslukrafa upp á fleiri milljónir setji mál drengsins í algjöra biðstöðu.

Í Fréttavaktinni fimmtudaginn 9. mars er þetta helst:

Veitingamenn eru uggandi yfir miðlunartillögu milli Eflingar og SA, að mati framkvæmdastjóra hagsmunasamtaka í faginu munu afturvirkar launagreiðslur reynast fjölda fyrirtækja endanlegt rothögg.

Málefni Borgarskjalasafns sem hafa verið í hámæli undanfarna daga en ákveðið hefur verið að leggja safnið niður í núverandi mynd. Minnihlutinn í borginni telur um klúður sé að ræða á meðan meirihlutinn telur aðgerðirnar vera nauðsynlegt aðhald.

Í Fréttavaktinni miðvikudaginn 8. mars er þetta helst:

Diljá Pétursdóttir segir tilfinninguna óraunverulega, aðspurð um líðanina eftir sigurinn í Söngvakeppninni á laugardag.

Í Fréttavaktinni þriðjudaginn 7. mars er þetta helst:

Að sögn Diljár Pétursdóttur Júróvísjónfara hefur fjölskylda hennar ekki enn fengið miða á stóru keppnina í Liverpool í maí.

Í Fréttavaktinni mánudaginn 6. mars er þetta helst:

Siggi Hall matreiðslumeistari segir skyrdellu skollna á í Frakklandi, Frakkarnir séu óðir í skyr. Siggi er einn skipuleggjenda Food & Fun hátíðarinnar sem stendur yfir í Reykjavík.

Í Fréttavaktinni fimmtudaginn 2. mars er þetta helst:

Þorsteinn Sæmundsson, fyrrverandi þingmaður hefur kynnt sér Lindarhvolsmálið í þaula og kallar það hneyksli.

Sérfræðingur í markaðssetningu á samfélagsmiðlum segir íslensk ferðaþjónustufyrirtæki nýta sér óspart þá möguleika sem felast í sérsniðnum auglýsingum á stafrænum miðlum á erlendum markaði.

Útlit er fyrir mikil umskipti í veðrinu hér á landi í mars, að sögn Sigurðar Þ. Ragnarssonar jarð- og veðurfræðings. Mars verður óvanalega hlýr og þurr, apríl hrekkjóttur en langtímaspár gera svo ráð fyrir góðu vori og sumri sem kalli fram bros á vörum.

Í Fréttavaktinni 1. mars 2023 er þetta helst:

Í febrúar kom út ný skýrsla um aðgengismál íslenskra fatlaðra nemenda í háskólanámi á Íslandi. Formaður Sjálfsbjargar segir íslenska háskólasamfélagið fá falleinkunn þegar komi að jöfnu aðgengi til náms.

Í haust verður í fyrsta sinn boðið upp á nám í pólskum fræðum við Háskóla Íslands. Námið er ekki eingöngu tungumálanám heldur einnig læra nemendur um pólska sögu og menningu.

Í Fréttavaktinni á Hringbraut mánudaginn 27. febrúar 2023 er þetta helst:

Umhverfis-, orku- og loftslagsráðherra segir að ekki verði nógu mikið eftir í þeim samfélögum þar sem orkan á uppsprettu hér á landi. „Það getur ekki verið markmið að pínulítil svæði séu skattaparadísir á meðan samfélagið sem veitir þjónustuna fær lítið sem ekki neitt,“ segir ráðherrann.

Í Fréttavaktinni 23. febrúar 2023 er þetta helst:

Vefritið Mannlíf hefur verið dæmt til að greiða Atla Viðari Þorsteinssyni bætur vegna endurbirtingar úr minningargrein. Atli Viðar fagnar niðurstöðunni og segir málshöfðunina hafa verið nauðsynlega.

Formaður Eflingar telur ekki líklegt að samið verði við borð ríkissáttasemjara í kjaradeilu Eflingar og Samtaka atvinnulífsins. Hún segir samningsvilja Samtaka atvinnulífsins ekki vera til staðar og segir að mögulega hafi viðræður helgarinnar verið einn stór skrípaleikur.

Í Fréttavaktinni á Hringbraut miðvikudaginn 22. febrúar er þetta helst:

Í Fréttavaktinni þriðjudaginn 21. febrúar er þetta helst:

Doktor í dýrafræði segir að hækkandi sýrustig sjávar við Íslands stendur komi til með að valda því að hryggleysingjar geti ekki myndað skel, sem mun hafa keðjuverkandi áhrif á fiskistofna sem lifa á slíkum dýrum. Þar á meðal er ýsustofninn.

Á höfuðborgarsvæðinu eru margar bensínsjoppur að taka hamskiptum. Í húsnæði þar sem áður var selt eldsneyti og pylsur eru nú brauðgerðir og listagallerí að spretta upp.

Þórður Guðjónsson forstjóri Skeljungs segir að áhrifa verkfalls Eflingar sem snýr að dreifingaraðilum olíu muni fyrst bíta á íbúum höfuðborgarsvæðisins.

Áhugi Íslendinga á ferðalögum til Kanaríeyja er sívaxandi. Prófessor í mannfræði við Háskóla Íslands sem hefur rannsakað þennan áhuga landans á eyjunum í suðri segir 45% Íslendinga 18 ára og eldri hafa sótt eyjarnar heim.

Að sögn forstjóra Skeljungs verður starfsemi á Keflavíkurflugvelli í fínu lagi, þrátt fyrir verkfall Eflingar. Hann segir Keflavík vera utan svæðis Eflingar og starfsemi Isavia þannig koma til með að vera í lagi.

Guðrún Erla Guðjónsdóttir bakari í Mosfellsbakaríi er konan á bakvið köku ársins 2023. Guðrún Erla útskrifaðist með sveinspróf í bakstri síðastliðið sumar en leggur nú stund á framhaldsnám í faginu Danmörku.

Á Dalvík standa yfir tökur á þáttaröð bandarísku spennuþáttanna True Detective, en sögusvið þáttanna er smábær í Alaska. Veitingamaður á Dalvík lýsir breytingum sem orðið hafa á ásýnd bæjarins á meðan framleiðslu stendur.

Talskona Stígamóta segir brotaþola sem hafa náð að koma sér úr vændi líklegri til að snúa aftur í vændið þegar þrengir að í efnahagslífinu. Hópurinn sé sérstaklega viðkvæmur, úrræðin fá og afleiðingarnar mjög alvarlegar.

„Það sem einkennir breytingar í franskri kvikmyndagerð núna, er væntanlega það sem er að gerast um heim allan, og það eru fleiri kvenleikstjórar. Þetta er merkileg og mikilvæg og góð þróun,“ segir Anna Margrét Björnsson, upplýsingafulltrúi Franska sendiráðsins í samtali við Fréttavaktina.

Í síðustu viku, 8. mars, á baráttudegi kvenna, afhentu Stígamót Jóni Gunnarssyni dómsmálaráðherra undirskriftir úr átakinu Vettvangur glæps. Með undirskriftasöfnunninni er ráðherra hvattur til að endurskoða aðild brotaþola að kynferðisbrotamálum, en í þessu viðtali á Fréttavaktinni fara þær Hafdís Arnardóttir og Júnía Líf Maríuerla Sigurjónsdóttir yfir þeirra upplifun af réttarkerfinu þegar þeirra mál fóru í gegnum kerfið.

Dómsmálaráðherra fékk kynningu á starfi stígamóta, og þrjár af þeim fimm konum sem komu fram í átakinu komu einnig fram og sögðu sögur sínar af kynferðisbrotamálum innan dómskerfisins. Horfðu á viðtalið hér fyrir neðan.

Í Fréttavakt dagsins er farið yfir fréttir vikunnar með fókus á afléttingar sóttvarnaraðgerða sem kynntar voru á ríkisstjórnarfundi í dag. Gestir Fréttavaktarinnar í dag eru Sabine Leskopf borgarfulltrúi og Atli Thor Fanndal framkvæmdastjóri.

Fjöldi eldriborgara lifir við bág kjör hér á landi og Viðar Eggertsson leikstjóri og leikari segir að margir sjái sér þann kost nauðugan að flytja af landi brott.