Dýr

Yfir­völd í Hong Kong hafa til­kynnt að þau muni af­létta banni á inn­flutningi hamstra í lok mánaðarins.

Sunna Björg Skarphéðinsdóttir á afrekshund ársins 2022. Það er tíkin Ollie sem elskar að veita fólki félagsskap og hefur unnið hjá athvarfinu Læk sem er fyrir einstaklinga með geðrænan vanda. Ollie fetar þar í fótspor ömmu sinnar.

Tónlistarkonan Una Stef segir sögu af foreldrum sínum á Twitter, sem sinnt hafa smáfuglunum vel í vetrarhörkunum síðustu vikur. Í byrjun desember hafa foreldrarnir síðan jólaskreytt í kringum fóðurílát fuglanna í tré úti í garði hjá sér. Una birti á dögunum myndir af tveimur litlum fuglahúsum, ásamt seríu, sem hangir í tré í garði æskuheimilisins.

Hingað til hefur verið losarabragur á því hvað skuli gera ef þvottabjörn eða snákur finnst á förnum vegi. Nú verður leyst úr því með Villidýrateymi sem stýrir því hvernig eigi að taka á framandi hugsanlegum smitberum.

Fjölskylda á Austurlandi vonast til þess að fá að halda tvo hreindýrskálfa sem þau björguðu á Fljótsdalsheiði í vor. Kálfarnir lágu á heiðinni, soltnir og veikir af hníslasótt, þegar þeir fundust en í dag ganga þeir við hæl og eru hvers manns hugljúfar.

„Ég stend á orginu á mína hunda alla daga og sérstaklega eftir miðnætti,“ skrifar kona á Hundasamfélaginu og bætir við. „Þetta er fáfræði á háu stigi.“

Í ársskýrslu Matvælastofnunar kemur fram að alls hafi borist 468 ábendingar frá almenningi vegna dýravelferðar. Frá 2017 hafa yfir tuttugu mál farið í sektarferli vegna vanhirðu. Fleiri ábendingar koma vegna illrar meðferðar á gæludýrum en búfénaði hér á landi.