Enski boltinn

Zola mun aðstoða Sarri hjá Chelsea

Gianfraco Zola, fyrrverandi leikmaður Chelsea, mun aðstoða Maurizio Sarri við þjálfun hjá félaginu. Búist er við því að tilkynnt verði um ráðningu tvímenninganna innan skamms.

Maurizio Sarri mun taka við stjórnartaumunum hjá Chelsea á næstu dögum. Fréttablaðið/Getty

Búist er við því að Maurizio Sarri sem síðast stýrði Napoli verði kynntur til leiks sem knattspyrnustjóri Chelsea á næstu dögum. Hann mun taka við starfinu af samlanda sínum, Antonio Conte, sem var rekinn í hádeginu í dag. 

Skysports segir frá því í kvöld að annar Ítali, Gianfranco Zola sem lék sem framherji hjá Chelsea á árunum 1996 - 2003, muni aðstoða Sarri við þjálfun hjá félaginu. Zola lék 229 leiki fyrir Chelsea á sínum tíma og skoraði í þeim leikjum 59 mörk. 

Zola varð meðal annars enskur bikarmeistari, Evrópumeistari bikarhafa og vann enska deildarbikarinn þegar hann lék með Chelsea á sínum tíma. 

Eftir að leikmannaferli Zola lauk hefur hann meðal annars verið í þjálfarateymi hjá West Ham United, stýrt yngri landsliðum Ítalíu og verið knattspyrnustjóri Watford, Cagliari, Al-Arabi og Birmingham City. 

Athugasemdir

Auglýsing
Auglýsing

Tengdar fréttir

Enski boltinn

Fundarhöld um framtíð Sarri

Enski boltinn

Kane snýr aftur um helgina

Enski boltinn

Man.Utd sækir Úlfana heim

Auglýsing

Nýjast

Kristján Flóki fer ekki til Póllands

Martin: Hlynur er eins og jarðýta

„Okkar að stíga upp þegar þessir tveir meistarar hætta“

Ragnarök í Víkinni á laugardaginn

Guðmundur gerði gott mót á Spáni

Mörkin úr sigri Íslands gegn Írlandi - myndskeið

Auglýsing