Enski boltinn

West Brom enn á lífi eftir sigur á Old Trafford

West Brom vann fyrsta sigur sinn í þrjá mánuði á Old Trafford í dag og blés með því lífi í vonir sínar um að halda sæti sínu í ensku úrvalsdeildinni en á sama tíma innsiglaði sigur þeirra enska meistaratitilinn fyrir Manchester City.

Jay Rodriguez fagnar sigurmarkinu með liðsfélaga sínum. Fréttablaðið/Getty

West Brom vann fyrsta leik sinn í rúma þrjá mánuði í dag er liðið vann óvæntan 1-0 sigur á Manchester United á Old Trafford en með því innsigluðu þeir um leið að Manchester City vinni enska meistaratitilinn.

Hefur West Brom verið í frjálsu falli undanfarna mánuði en félagið rak annan þjálfara sinn á tímabilinu á dögunum og var tólf stigum frá öruggu sæti fyrir daginn.

Manchester United var skiljanlega mun meira með boltann í dag þrátt fyrir að West Brom fengi fínar skyndisóknir inn á milli. Var staðan markalaus allt þar til á 73. mínútu þegar Jay Rodriguez kom West Brom yfir af stuttu færi eftir hornspyrnu.

Reyndist það eina mark leiksins þrátt fyrir þunga sókn heimamanna undir lokin en eftir leikinn er Manchester United með 71 stig, stigi meira en Liverpool en á leik til góða.

Athugasemdir

Auglýsing
Auglýsing

Tengdar fréttir

Enski boltinn

David Silva frá í nokkrar vikur

Enski boltinn

Gylfi klúðraði víti en Everton náði í stig

Enski boltinn

Joe Gomez skrifar undir langan samning

Auglýsing

Nýjast

Óðinn í liði umferðarinnar

Heimir: Tilvalið að Íslendingur kæli sætið

Segja Guðjón Val vera búinn að semja við PSG

Guðrún semur við Djurgården

Ársmiðarnir fyrir undankeppni EM seldust upp strax

Theodór Elmar í viðræðum við lið frá Dubai

Auglýsing