Helgi Seljan, blaða­maður á Stundinni, settist í settið í Í­þrótta­vikunni með Benna Bó, sem sýnd er á Hring­braut á föstu­dögum. Þar var einnig Hörður Snævar Jóns­son, í­þrótta­stjóri Torgs.

Það kom fram í vikunni sem leið að Einar Örn Jóns­son mun lýsa úr­slita­leik Heims­meistara­mótsins í Katar fyrir hönd RÚV.

Ein­hverjir hafa gagn­rýnt valið.

„Við erum kannski alltaf að bera okkur saman við aðrar þjóðir. Eins og á Eng­landi eru alltaf gamlar fót­bolta­kempur að lýsa. Það er punkturinn sem ein­hver gæti nefnt.

Hörður Magnús­son er fyrrum lands­liðs­maður í fót­bolta en Einar í hand­bolta. En við erum bara 350 þúsund manna þjóð og Einar hefur fjallað um fót­bolta lengi og gert það vel,“ segir Hörður.

Hann bendir þó á að Hörður sé frá­bær lýsandi.

„Þjóðin hefur kannski fattað hverju hún hefur tapað. Þetta var okkar maður í ís­lenska boltanum og sá um alla um­fjöllun.“

Helgi tók í sama streng.

„Það er svo frá­bært að heyra Hörð Magnús­son tala um fót­bolta, það er svo gaman að því. Ég tala nú ekki um ef ein­hver poolari slæðist inn í annað liðið.“