Sport

Venus sló Serenu út úr fyrsta mótinu eftir barnsburð

Serena Williams datt út í 32-manna úrslitum á fyrsta móti sínu eftir barnsburð en það var engin önnur en systir hennar sem sló hana út á Indian Wells-mótinu.

Serena og Venus ræða málin í leikslok Fréttablaðið/Getty

Endurkoma Serenu Williams á tennisvöllinn entist stutt en hún féll úr leik á Indian Wells mótinu gegn systur sinni í 32-manna úrslitum. Var þetta fyrsta mót Serenu eftir barnsburð en hún eignaðist fyrsta barn sitt fyrir í september síðastliðnum.

Eftirvæntingin var mikil eftir því að sjá Serenu snúa aftur inn á völlin enda ein fremsta íþróttakona allra tíma. Var þetta fyrsta mót hennar síðan hún vann sigur á systur sinni í úrslitaleik ástralska meistaramótsins í janúar 2017.

Eftir að hafa unnið Zarina Diyas í 64-manna úrslitum mættust systurnar á ný inn á vellinum í vikunni en þar hafði Venus betur, 6-3 og 6-4 og batt enda á endurkomu Serenu. Var þetta tólfti sigur Venus gegn systur sinni en sá fyrsti í fjögur ár.

Þrátt fyrir það var Serena brött í viðtölum eftir leik, hrósaði systur sinni og sagðist vera orðin spennt að taka þátt í móti í Miami í apríl. Serena er dottin út af heimslistanum í tennis en hún verður eflaust komin ofarlega á lista í árslok.

Athugasemdir

Auglýsing
Auglýsing

Tengdar fréttir

Íslenski boltinn

Ágætis byrjun hjá Arnari og Eiði

Fótbolti

Andorra sýnd veiði en ekki gefin

Sport

Króatar í basli gegn Aserbaídsjan

Auglýsing

Nýjast

Stjarnan og Njarðvík unnu fyrstu leikina

Næstu Ólympíu­leikar þeir síðustu hjá Si­mone Biles

Rooney heldur með Man City í titilbaráttunni

Marcus Rashford á heimleið vegna meiðsla

Gunnar niður um eitt sæti á styrk­leika­lista UFC

City og Barcelona að berjast um Saul

Auglýsing