Körfubolti

Vegferðin á EM hefst ytra gegn Portúgal í dag

Íslenska karlalandsliðið í körfubolta hefur vegferð sína í átt að því að komast í EuroBasket 2021 með því að mæta Portúgal ytra í fyrsta leik liðanna í forkeppni fyrir undankeppni mótsins síðdegis á sunnudaginn.

Craig ræðir málin á blaðamannafundi landsliðsins. Fréttablaðið/Anton

Íslenska karlalandsliðið í körfubolta hefur vegferð sína í átt að því að komast í EuroBasket 2021 með því að mæta Portúgal ytra í fyrsta leik liðanna í forkeppni fyrir undankeppni mótsins síðdegis á sunnudaginn. 

Auk fyrrgreindra liða er Belgía með þeim í forkeppninni. Craig Pedersen, þjálfari íslenska liðsins, segir að liðin í riðlinum séu áþekk að getu. Portúgal hafi eiginleika sem íslenska liðið þurfi að hafa í huga í leiknum á morgun.

Craig virðist hafa rétt fyrir sér hvað styrk liðanna varðar, en í fyrsta leik forkeppninnar vann Belgía nauman sigur á Portúgal, 66-65.

„Þetta verða jafnir leikir og það geta öll liðin unnið riðilinn að mínu mati. Portúgal er með gott lið skipað leikmönnum sem spila í sterkum deildum, en sá besti spilar í Ítalíu og heitir João Gomes og aðrir hafa reynslu af leikjum í Evrópukeppni með félagsliðum sínum,“ sagði Craig í samtali við Fréttablaðið..

„ Gomes, þeirra öflugasti leikmaður, er rúmlega tveggja metra hár skotbakvörður og svo eru þeir með annan leikmann sem er afar öflug þriggja stiga skytta.“

Hann á von á því að Collin Pryor geti nýst liðinu vel í fyrstu keppnisleikjum sínum fyrir Ísland.

„Við þurfum að bregðast við því í leikskipulagi okkar að hafa leikmann inni á vellinum sem getur varist honum. Þar gæti Collin Pryor nýst okkur vel, en hann er hávaxinn, snöggur í hreyfingum og mikill íþróttamaður.“


Leikmennirnir glaðbeittir á blaðamannafundi í höfuðstöðvum KKÍ. Fréttablaðið/anton

Hann vonaðist til að geta nýtt sér hraða leikmenn Íslands.

„Það gæti reynst okkur vel að hafa snögga og kraftmikla leikmenn innanborðs þar sem þeir hafa á að skipa hávöxnu liði og leikmenn liðsins eru ekki mjög snöggir,“ 

Hann virtist vera nokkuð bjartsýnn fyrir leikinn.

„Við erum með nokkra unga leikmenn og nokkuð óreynda í alþjóðlegum leikjum, en þeir hafa mikinn leikskilning og þrátt fyrir að við höfum stuttan tíma til þess að undirbúa okkur fyrir leikinn þá hef ég ekki áhyggjur af því. Leikmenn eins og Martin [Hermannsson], Elvar Már [Friðriksson] og Hörður Axel [Vilhjálmsson] eru fljótir að meðtaka upplýsingar og lesa leikinn vel,“ sagði Craig og hélt áfram:

„Þetta er svo hópur sem hefur leikið lengi saman og þeir þekkja vel hver til annars,“ segir þjálfarinn um leikmenn sína og undirbúninginn fyrir leikinn

Athugasemdir

Auglýsing
Auglýsing

Tengdar fréttir

Körfubolti

Fínt framan af hjá íslenska liðinu

Körfubolti

Helena: Höfum trú á sigri í þessum leik

Körfubolti

Vill sjá heilsteyptan leik hjá íslenska liðinu

Auglýsing

Nýjast

Valur fór ansi illa með Hauka

Nokkrir góðir kaflar dugðu ÍBV til sigurs

Felix tryggði íslenska liðinu jafntefli

Strembið verkefni hjá Selfossi

Höttur og Huginn sameinast

Þessar mæta Slóvökum síðdegis

Auglýsing