Helgi Seljan, blaða­maður á Stundinni, settist í settið í Í­þrótta­vikunni með Benna Bó, sem sýnd er á Hring­braut á föstu­dögum. Þar var einnig Hörður Snævar Jóns­son, í­þrótta­stjóri Torgs.

Mynd­bands­dómgæslan, VAR, er gjarnan á milli tannana á fólki og það hefur hún verið á Heims­meistara­mótinu í Katar. Þetta var tekið fyrir í þættinum. Vítið sem Lionel Messi fékk gegn Pól­landi á dögunum var tekið sem dæmi.

„Það er hægt að dæma víti orðið á allan and­skotann ef þú ferð í VAR og finnur snertinguna. Hversu oft hefur maður sér svona gerast og ekkert dæmt. Sam­kvæmt laganna bók­staf er þetta rétt en ég var ekki sáttur með þetta,“ segir Hörður.

Helgi er ekki mjög hrifinn af VAR.

„Ég held að menn hafi ekki alveg hugsað þetta til enda. Eins og með þetta rang­stöðu­línu, þú ert kominn með ein­hverja línu og verður að fylgja henni.“