Valur gerði ágætis ferð til Tirapsol í Moldóvu í kvöld þar sem liðið mætti Sheriff í fyrri leik liðanna í þriðju umferð í forkeppni Evrópudeildarinnar í knattspyrnu karla. 

Valsmenn léku þéttan og agaðan varnarleik í leiknum og náðu að halda marki sínu hreinu allt fram undir lok leiksins þegar Ziguy Badibanga tryggði heimaliðinu 1-0-sigur. 

Hlíðarendapiltar léku án Birkis Más Sævarssonar og fyrirliða sína, Hauks Páls Sigurðssonar, í leiknum, en þeir tóku út leikbann í þessum leik og verða orðnir löglegur í seinni leik liðanna sem fram fer á Origo-vellinum að Hlíðarenda eftir slétta viku. 

Þá verður Ólafur Davíð Jóhannesson, þjálfari Vals, einnig búinn að afplána tveggja leikja bann sitt sem hann fékk fyrir að mótmæla dómgæslunni í seinni leik liðsins gegn Rosenborg í forkeppni Meistaradeildarinnar.