Íslenski boltinn

Valsmenn bæta við sig öflugum leikmönnum

Karlalið Vals í knattspyrnu kynnti til leiks þrjá öfluga leikmenn i lið sitt á blaðamannafundi sem haldinn var í Lollastúku í Valsheimilinu síðdegis í dag.

Valsmenn fagna hér marki í leik síðasta sumar. Fréttablaðið/Sigtryggur Ari

Enski framherjinn Gary Martin, danski sóknartengiliðurinn Emil Lyng og samlandi hans Lasse Petry sem leikur alla jafna sem miðvallarleikmaður skrifuðu í dag undir samning við ríkjandi Íslandsmeistara í knattspyrnu Val.

Gary sem hefur leikið með ÍA, KR og Víkingi hér heima kemur til Vals frá norska liðinu Lilleström, Emil sem lék á sínum tíma með KA frá Haladás í Ungverjalandi og Lasse Petry sem er uppalinn hjá Nordsjælland kemur frá danska liðinu Lyngby. 

Samningur Gary við Val er til þriggja ára, Emil er samningsbundinn á Hlíðarenda næstu þrjú árin og Lasse Petry semur við Val til næstu tveggja keppnistímabila. 

Nokkrar breytingar hafa orðið á leikmannahópi Vals frá því að liðið lyfti Íslandsmeistaratitlinum síðsta haust. 

Andri Fannar Stefánsson, Guðjón Pétur Lýðsson, Dion Acoff, Tobias Thomsen og Patrick Pedersen hafa horfið á braut. 

Til þess að fylla þeirra skörð hefur Hlíðarendaliðið klófest Kaj Leó frá Bartalsstovu, Birni Snæ Ingason, Garðar Bergmann Gunnlaugsson og nú fyrrgreinda þrjá leikmenn. 

Athugasemdir

Auglýsing
Auglýsing

Tengdar fréttir

Íslenski boltinn

Ísland hóf undankeppnina með sigri

Íslenski boltinn

Aron og Alfreð byrja báðir

Íslenski boltinn

Ágætis byrjun hjá Arnari og Eiði

Auglýsing

Nýjast

Leystu verkefnið fagmannlega í Andorra

Góð frammistaða en svekkjandi úrslit

Börsungar tilbúnir að selja Coutinho

Andorra sýnd veiði en ekki gefin

Króatar í basli gegn Aserbaídsjan

Stjarnan og Njarðvík unnu fyrstu leikina

Auglýsing