Aganefnd KSÍ komst að þeirri niðurstöðu í dag um að sekta Val um 75.000 krónur vegna ummæla Ólafs Jóhannessonar, þjálfara Vals, um dómara leiksins í leik KA og Vals í Pepsi-deild karla.

Er þetta í þriðja sinn sem málefni Ólafs rata inn á borð aganefndar á þessu ári. Í byrjun sumars var félagið Valur sektað um 100.000 krónur vegna ásakana Ólafs um hagræðingu úrslita er hann stýrði liði Hauka í hlaðvarpsþætti Fotbolti.net

Síðar fékk hann tveggja leikja bann fyrir að gefa til kynna að úrslitum hefði verið hagrætt í leik Vals og Rosenborg í Meistaradeild Evrópu í sumar.

Ólafur var afar ósáttur að Einari Inga Jóhannessyni skyldi dæma leik Vals gegn KA fyrir norðan og gaf til kynna að Einar Ingi væri Stjörnumaður mikill sem hefði sett hann í vonda stöðu í samtali við Stöð 2 Sport eftir leik. 

Gaf hann til kynna að þetta væri óhagkvæmilegt eftir að hann hunsaði beiðnir Valsmanna um vítaspyrnu undir lok venjulegs leiktíma.

Sendi Valur frá sér tilkynningu síðar þar sem þeir stóðu við bakið með þjálfara sínum og gáfu til kynna að þetta hefði verið dómgreindarleysi hjá KSÍ. Í ljósi þess yrði KSÍ að taka tillit til forsendnanna.

Ákvað aganefnd KSÍ að sekta Val um 75.000 en að Ólafur skyldi ekki dæmdur í leikbann.