Val­dís Þóra Jóns­dótt­ir, at­vinnukylf­ing­ur úr Leyni, lék þriðja og síðasta hringinn á Fatima Bint Mubarak Ladies Open á einu einu höggi yfir pari vallarins í Abu Dhabi í dag. 

Mótið er hluti af Evrópumótaröðinni, en þetta er fyrsta mót mótaraðarinnar á yfirstanandi leiktíð.

Hún lék fyrsta hringinn á sex höggum yfir pari á fimmtudaginn, annan hringinn svo á sjö höggum yfir pari í gær. 

Þessi frammistaða skilaði henni í 49. sæti, en kepp­end­ur á mótinu voru 56 að þessu sinni.

Það var hin enska Charley Hull sem fór með sigur af hólmi á mótinu, en hún lék á alls átta högg­um und­ir pari.