ISPS Handa Vic Open sem er hluti af hinni bandarísku LPGA-mótaröð verður leikið í þessari viku. Á meðal keppenda á mótinu en Valdís Þóra Jónsdóttir atvinnukylfingur úr Leyni. 

Mótið er haldið í Victoriu fylki í Ástralíu, en Valdís Þóra byrjar að spila í nótt. Þetta er annað árið í röð þar sem Valdís Þóra keppir á þessu móti. 

Á síðasta ári komst hún í gegnum niðurskurðinn að loknum öðrum keppnisdegi og hafnaði að lokum í 57. sæti á mótinu.

Mótið er samstarfsverkefni LPGA og áströlsku mótaraðarinnar en Valdís tryggði sér keppnisrétt á þessu móti með því að tryggja sér sæti í áströlsku mótaröðinni í síðustu viku.

Valdís Þóra verður í ráshóp með Charlotte Thomas og Ingrid Gutierrez Nunez fyrstu tvo keppnisdagana.

Valdís fer af stað kl. 02:40 að íslenskum tíma í nótt en mögulegt er að fylgjast með spilamennsku hennar á mótinu hérna