Golf

Val­dís hefur leik á öðru stigi úr­töku­móts LPGA í dag

Valdís Þóra Jónsdóttir, atvinnukylfingur úr GL, hefur leik á öðru stigi úrtökumótsins fyrir LPGA-mótaröðina í Flórída í Bandaríkjunum í dag, af 195 kylfingum sem eru skráðir til leiks komast 25 á þriðja og síðasta stig úrtökumótsins.k

Valdís slær á EM atvinnukylfing Fréttablaðið/Getty

Valdís Þóra Jónsdóttir, atvinnukylfingur úr GL, hefur leik á öðru stigi úrtökumótsins fyrir LPGA-mótaröðina í Flórída í Bandaríkjunum í dag. 

Fer mótið fram á Plantation Golf and Country Club í bænum Venice í Flórída-fylki og eru 195 kylfingar skráðir til leiks. 

Efstu 25 kylfingarnir að fjórum hringjum loknum komast á lokastig úrtökumótsins.

Er þetta þriðja árið í röð sem Valdís reynir að komast inn á LPGA-mótaröðina og í fyrsta sinn sem hún keppir á öðru stigi. 

Hefur hún leikið á Evrópumótaröðinni, næststerkustu mótaröð heims, á undanförnum árum með góðum árangri en reynir nú að komast inn á þá sterkustu í heiminum.

Valdís hefur eytt undanförnum vikum í Bandaríkjunum til að undirbúa mótið og ekki tekið þátt í mótum á Evrópumótaröðinni enda hefur hún þegar tryggt sér þátttökurétt á næsta ári.

Komist Valdís áfram fær hún þátttökurétt í þriðja og síðasta úrtöku­mótinu sem fram fer í lok mánaðar. Þar mun Ólafía Þórunn Kristinsdóttir sömuleiðis reyna að endurnýja þátttökurétt sinn.

Athugasemdir

Auglýsing
Auglýsing

Tengdar fréttir

Golf

Valdís Þóra hefur leik í Bonville í nótt

Golf

Nýr lands­liðs­þjálfari ráðinn á næstu vikum

Golf

Guðmundur gerði gott mót á Spáni

Auglýsing

Nýjast

Minnast Gordon Banks með sérstakri treyju gegn Aston Villa

Nálægt því að komast í úrslit

Chelsea fer til Úkraínu: Arsenal mætir Rennes

Leik­maður Leeds söng með stuðnings­mönnum Mal­mö

Sonur Holyfield reynir að komast í NFL-deildina

Rabiot rak mömmu sína

Auglýsing