Íslenski boltinn

Úrslitaleikur Reykjavíkurmótsins verður ekki leikinn í Egilshöll

Úrslitaleikur Reykjavíkurmóts karla í knattspyrnu verður ekki leikinn á gervigrasvellinum í Egilshöll eins og til stóð eftir mikla gagnrýni á gæði vallarins. Hann hefur verið færður á Origo-völlinn.

Gervigrasvöllurinn í Egilshöll hefur verið gagnrýndur harðlega.

Sigtryggur Ari

Ákvörðun hefur verið tekin um að spila úrslitaleik Reykjavíkurmóts karla í knattspyrnu á Origo-vellinum í stað gervigrasvallarins í Egilshöll þar sem hinir leikir mótsins hafa verið leiknir.

Sjá einnig

Slysagildra í Egilshöll: Spila ekki á sínum bestu mönnum

Gervigrasvöllurinn í Egilshöll hefur verið mikið gagnrýndur síðustu daga og hafa margir lýst vellinum sem slysagildru.

Rekstraraðilar vallarins svöruðu gagnrýninni á fimmtudaginn þar sem þeir sögðu að völlurinn væri í góðu standi og að hann uppfyllti allar kröfur FIFA Quality staðalsins. Þessar yfirlýsingar voru svo hraktar í kjölfarið.

KR og Valur munu keppa í úrslitaleiknum sem fer fram á mánudaginn klukkan 20 á Origo-Vellinum - ekki í Egilshöll.