Lando Norris segir ekkert hæft í orð­rómum þess efnis að hann hati Daniel Ricciar­do, fyrrum liðs­fé­laga sinn hjá For­múlu 1 liði McLaren, þessi um­ræða pirri hann.

Frá því að Ricciar­do gekk til liðs við McLaren fyrir nokkrum árum síðan frá Renault fóru fljót­lega að koma upp á yfir­borðið sögu­sagnir um slæmt sam­band milli hans og Norris.

Þá vöktu um­mæli Norris, í ágúst fyrr á þessu ári, þar sem hann sagðist ekki finna til sam­úðar með Ricciar­do sem var á endanum látinn fara frá McLaren eftir erfiða tíma, mikla at­hygli.

,,Það pirrar mig að sjá um­ræðum í þá átt að við hötum hvorn annan, sé ekki vel við hvorn annan eða getum ekki haft gaman saman," sagði Norris í sam­tali við The Race.

,,Það fer illa í mig að fólk haldi það vegna þess að það hefur ekkert komið upp á milli okkar sem er í þá átt."

Ricciardo er nú orðinn vara­öku­maður Red Bull Ra­cing á meðan Norris fær nýjan liðs­fé­laga fyrir næsta tíma­bil, Frakkann Os­car Piastri.