Fótbolti

Umboðsmaður Morata ræðir við Sevilla

Umboðsmaður Alvaro Morata er í viðræðum við spænska félagið Sevilla um að skjólstæðingur sinn gangi til liðs við spænska félagið á láni frá Chelsea.

Morata, hér fyrir miðju, fagnar marki í enska bikarnum á dögunum. Fréttablaðið/Getty

Umboðsmaður Alvaro Morata er í viðræðum við spænska félagið Sevilla um að skjólstæðingur sinn gangi til liðs við spænska félagið á láni frá Chelsea.

Morata er heimilt að finna sér nýtt félag eftir misheppnaða dvöl í herbúðum Chelsea þar sem honum hefur ekki tekist að festa sig í sessi í framlínunni.

Chelsea er orðað við Gonzalo Higuain, Mauro Icardi og Callum Wilson þessa dagana og er ljóst að félagið er að leita að framherja sem mun reynast áreiðanlegur fyrir framan markið.

Morata sem var keyptur á sextíu milljónir punda byrjaði vel í Lundúnum en honum fataðist flugið um mitt tímabilið. Hefur honum ekki tekist að finna taktinn á ný í treyju Chelsea.

Hann hefur áður leikið fyrir Juventus og uppeldisfélag sitt, Real Madrid, á ferlinum ásamt því að leika 27 leiki fyrir spænska landsliðið.

Athugasemdir

Auglýsing
Auglýsing

Tengdar fréttir

Fótbolti

Pogba dreymir um að spila fyrir Real einn daginn

Fótbolti

Lokapróf koma í veg fyrir að Agla María fari með til Suður-Kóreu

Fótbolti

Fimm breytingar á hópnum sem fer til Suður-Kóreu

Auglýsing

Nýjast

Vals­konur komnar í topp­sæti deildarinnar

Fylkir semur við eistneskan landsliðsmann

Sky velur Gylfa í úr­vals­lið tíma­bilsins til þessa

Körfu­bolta­lands­liðin á­fram í Errea næstu þrjú árin

Vildu gefa Söru Björk frí til að safna kröftum

Stórleikur hjá Söru Björk gegn Lyon í dag

Auglýsing