Guðlaugur Þór Þórðarson, umhverfis- orku og loftslagsráðherra, var gestur vikunnar ásamt Herði Snævari Jónssyni, íþróttastjóra Torgs og þar var farið yfir víðan völl í íþróttaheiminum.
Í vikunni kom upp óánægja með fréttaflutning Fótbolta.net af atviki sem átti sér stað í leik Breiðabliks og Leikni Reykjavík í Lengjubikar karla í knattspyrnu.
Vefmiðillinn sakaði Gísla Eyjólfsson um að hafa hrópað ókvæðisorðum að ljósmyndara sínum og að um leið hafi hann sent henni óviðeigandi fingramerkingar.
Breiðablik hefur fordæmt fréttaflutning Fótbolta.net af málinu og segir Gísla ekki hafa verið með réttu ráði eftir að hafa þurft að yfirgefa völlinn vegna höfuðhöggs.
Benedikt Bóas, þáttastjórnandi Íþróttavikunnar spurði gesti sína hvort Fótbolti.net hafi ekki verið í fullum rétti á því að greina frá umræddu atviki.
„Það hefði ég nú haldið,“ svaraði Hörður Snævar. „Ljósmynd af einhverjum vera að gefa þér fingurinn hefur hingað til ekki verið stungið ofan í skúffu.
Blikarnir eru aðallega ósáttir með að ekki hafi komið skýrmerkilega fram í umræddri frétt að Gísli hafi þarna verið út úr heiminum vegna höfuðhöggs. Hann var fluttur með sjúkrabíl af vettvangi. Þetta er kjánalegt mál, fyrir Blika að standa í einhverju stríði út af svona.“
Nánari umræðu um þetta atvik má sjá hér:
