Ármenningurinn Trausti Þór Þorsteinsson var einni sekúndu frá Íslandsmetinu í 10 km götuhlaupi nú á dögunum. Hlaupið fór fram í Buffalo í Bandaríkunum en Trausti stundar nám og keppir fyrir Wagner háskóla í New York.

Trausti Þór kom í mark á 29:50 mínútum en Íslandsmetið í greinnini er 29:49 mínútur sem Hlynur Andrésson setti fyrr á þessu ári.

Trausti Þór er á sínu öðru ári út í Bandaríkjunum þar sem hann hefur verið að ná góðum árangri og er að sanna sig sem einni efnilegasti hlaupari landsins.

Fyrr á þessu ári varð hann svæðismeistari í 1500 metra hlaupi í Norð-Austur Bandaríkjunum, svæði sem telur hátt í 300 skóla. Hann á einnig nokkur piltamet og er nú farinn að gera alvöru atlögu að Íslandsmetum í fullorðinsflokki.