Íslenski boltinn

Topplið síðasta tímabils mætast

Fjórðu umferð Pepsi-deildar karla í knattspyrnu lýkur í kvöld með fjórum leikjum.

Birkir Már og félagar hans hjá Val mæta Stjörnunni í kvöld. Fréttablaðið/Ernir

Fjórðu umferð Pepsi-deildar karla í knattspyrnu lýkur í kvöld með fjórum leikjum. Upphaflega áttu leikirnir að vera tveir, en leikum Breiðabliks og KR og Keflavíkur og Fjölnis var frestað um sólarhring vegna veðurs í gærkvöldi.

Valur og Stjarnan sem höfnuðu í tveimur efstu sætum deildarinnar á síðustu leiktíð mætast á Origo-vellinum að Hlíðarenda. Valur getur nálgast Breiðablk, topplið deildarinnar, með sigri í leiknum, en Valur hefur fimm stig eftir þrjá leiki á meðan Breiðablik hefur fullt hús stiga. 

Stigasöfnunin hefur hins vegar farið rólega af stað hjá Stjörnunni sem hefur verið óheppin með meiðsli og annars konar forföll í sumar. Stjarnan hefur einungis tvö stig og þarf nauðsynlega á þremur stigum að halda til þess að fikra sig upp töfluna.

Annar toppslagur í Vesturbænum

KR fær svo tækifæri til þess að komast nær Breiðabliki, en liðin mætast á Alvogen-vellinum. KR hefur farið ágætlega af stað, en liðið hefur náð að safna fjórum stigum í sarpinn í fyrstu þremur umferðum deildarinnar.

Víkingur og Grindavík sem eru hlið við hlið í fimmta og sjötta sæti deildarinnar etja kappi á Víkingsvellinum. Víkingur hefur fimm stig á meðan Grindavík hefur fjögur. Annað hvort liðið getur blandað sér í toppbaráttu deildarinnar með sigri. 

Keflavík og Fjölnir hafa svo farið illa af stað í deildinni í sumar hvað úrslit varðar. Keflavík er í næstneðsta sæti deildarinnar með eitt stig á meðan Fjölnir er sæti ofar með tvö stig. Takist öðru hvoru liðanna að fara með sigur af hólmi fær það augnabliks andrými frá fallsvæðinu.

Athugasemdir

Auglýsing
Auglýsing

Tengdar fréttir

Íslenski boltinn

Fram ræður þjálfara

Íslenski boltinn

Fylkir fær ungan og efnilegan markvörð

Íslenski boltinn

Skagamenn bæta við sig framherja

Auglýsing

Nýjast

Keflvíkingar niðurlægðu granna sína

Tindastóll og Njarðvík áfram með fullt hús

Öll íslensku liðin komin í úrslit

Frumraun LeBron með Lakers í nótt

Leikstjórnandi ÍR frá næstu vikurnar

Vignir yfirgefur TTH Holstebro eftir tímabilið

Auglýsing